बोंबला! 2000 शेतकऱ्यांना गंडवलं, दिलं होतं दुप्पट पैशांचं आमिष, आता कंपनीच झाली गायब, कोट्यवधींची फसवणूक

पीडित लोकांनी सांगितलं की, कंपनीने त्यांना आश्वासन दिलं होतं की, जर त्यांनी पैसे गुंतवले तर सहा महिन्यांत त्यांना दुप्पट परतावा मिळेल. कंपनीच्या लोकांनी परताव्याबाबतची संपूर्ण योजना आणि नियोजन समजावून सांगितलं होतं. लोकांचा विश्वास जिंकण्यासाठी कंपनीचे मालक स्वतः लोकांशी आणि शेतकऱ्यांशी संपर्क साधून त्यांना ही योजना समजावून सांगायचे.

तक्रारदार जसबीर सिंग आणि अरविंद सिंग यांनी सांगितलं की, त्यांचे एकट्याचे लाखो रुपये कंपनीत अडकले आहेत. कंपनीत 2000 हून अधिक लोकांनी गुंतवणूक केली होती, ज्यामध्ये बहुतेक लहान शेतकरी आणि गावकरी आहेत. चांगला परतावा मिळेल या आशेने या लोकांनी आयुष्यभराची कमाई गुंतवली होती, पण आता सगळंच बुडत असल्याचं दिसत आहे.

यमुनानगर पोलिसांनी या प्रकरणाच्या चौकशीचं आश्वासन दिलं आहे. पोलिसांनी सांगितलं की, सर्व कागदपत्रांची तपासणी केल्यानंतर संबंधित कलमांखाली गुन्हा दाखल करून कारवाई केली जाईल. सध्या पोलीस कंपनी चालवणारे कुठे आहेत आणि त्यांचे बँक व्यवहार कसे आहेत, याचा शोध घेण्यात व्यस्त आहेत.