कपडे आणायला गेली अन् बिबट्याशी गाठ पडली; महिलेच्या धाडसामुळे बिबट्या पिंजऱ्यात, वाचा शिराळ्यातील 'तो' थरार!

क्षणात अश्विनी सावध झाल्या. त्यांनी निरखून पाहिलं, तर आत चक्क एक-दीड वर्षांची मादी बिबट्या बसली होती. काॅटखाली बसली होती. एका क्षणासाठी त्यांच्या काळजाचा ठोकाच चुकला, पण प्रचंड घाबरलेल्या असूनही त्यांनी हिंमत सोडली नाही. प्रसंगावधान दाखवत त्यांनी तात्काळ खोलीच्या दाराला बाहेरून कडी लावली आणि एका मोठ्या अनर्थ टळला.

त्यांनी तातडीने घरच्यांना आणि त्यानंतर ग्रामस्थांना सावध केले. काही वेळातच कोकरूड पोलीस आणि वनविभागाचे पथक घटनास्थळी दाखल झाले. बिबट्याला सुरक्षितपणे पकडणे हे एक मोठे आव्हान होते. वनपाल अनिल वाजे आणि त्यांच्या टीमने खोलीच्या दाराजवळ एक पिंजरा लावला आणि बिबट्याला बाहेर येण्यासाठी खोलीच्या खिडकीतून हुसकावण्यास सुरुवात केली. पिंजरा लावल्यानंतर अवघ्या पाचच मिनिटांत बिबट्या पिंजऱ्यात अडकला आणि सर्वांनी सुटकेचा निःश्वास सोडला.