Trending:

IPS आदित्य कुमार यांना किती पगार मिळतो? KBC 17 मध्ये 1 कोटी जिंकल्यानंतर नेटकऱ्यांना पडला प्रश्न

Published by:Devika Shinde

Last Updated:August 22, 2025 11:01 AM IST

KBC 17 मध्ये 1 कोटी रुपये जिंकल्यानंतर आदित्य कुमार अचानक सोशल मीडियावर ट्रेंड होऊ लागले. ते कोण आहेत? काय करतात? यांसारख्या असंख्य प्रश्न अनेकांच्या मनात आहेत. त्यांपैकी अदित्या यांच्याबद्दल काही माहिती समोर आली आहे.

इम्पॅक्ट शॉटतुमचा गेटवे लेटेस्ट न्यूज

मुंबई : भारतातील प्रतिष्ठित सेवांपैकी एक म्हणजे भारतीय पोलीस सेवा (IPS). या सेवेतील अधिकारी समाजातील कायदा आणि सुव्यवस्था टिकवण्याचे जबाबदार काम करतात. IPS अधिकारींचा पगार, त्यांना मिळणाऱ्या सोयी-सवलती आणि त्यांचा संघर्षपूर्ण प्रवास याबद्दल लोकांमध्ये नेहमीच उत्सुकता असते. नुकतेच KBC 17 मध्ये 1 कोटी रुपये जिंकून चर्चेत आलेले उत्तराखंडचे आदित्य कुमार हे स्वतः IPS अधिकारी आहेत आणि त्यांचा प्रवास नक्कीच अनेकांसाठी प्रेरणादायी आहे.

KBC 17 मध्ये 1 कोटी रुपये जिंकल्यानंतर आदित्य कुमार अचानक सोशल मीडियावर ट्रेंड होऊ लागले. ते कोण आहेत? काय करतात? यांसारख्या असंख्य प्रश्न अनेकांच्या मनात आहेत. त्यांपैकी अदित्या यांच्याबद्दल काही माहिती समोर आली आहे.

उत्तराखंडचे आदित्य कुमार हे सध्या पंजाब कॅडरमध्ये ASP (Assistant Superintendent of Police) म्हणून कार्यरत आहेत. KBC 17 मध्ये त्यांनी आपल्या आत्मविश्वासाने आणि बुद्धिमत्तेने 1 कोटी रुपयांचा प्रश्न बरोबर सोडवला आणि शोचे पहिले करोडपती ठरले. मात्र 7 कोटींच्या प्रश्नावर धोका न पत्करता त्यांनी खेळ सोडला आणि 1 कोटी रुपयांसह घरी परतले.

अमिताभ बच्चन यांच्यासमोर बसून त्यांनी आपल्या ज्ञानाच्या जोरावर जिंकलेली ही रक्कम जरी मोठी असली तरी त्यांचा UPSC पर्यंतचा प्रवास खूप संघर्षपूर्ण राहिला. 3 वेळा अपयश पचवल्यानंतर अखेर २०१७ मध्ये त्यांनी UPSC परीक्षा उत्तीर्ण केली आणि 2018 मध्ये ऑल इंडिया 630वा रँक मिळवून IPS अधिकारी झाले.

IPS अधिकारींचा पगार किती असतो?

IPS अधिकाऱ्यांचा पगार 7 व्या वेतन आयोगानुसार ठरतो. सुरुवातीच्या स्तरावर (ASP किंवा DSP पदावर) त्यांचा बेसिक पगार ₹56,100 ते ₹67,700 असतो. त्यासोबत महागाई भत्ता (DA), गृहभाडे भत्ता (HRA), प्रवास भत्ता (TA) आणि इतर सवलती मिळून हाती मिळणारा पगार ₹60,000 ते ₹1,00,000 पर्यंत जातो. उच्च पदावर गेल्यानंतर पगार झपाट्याने वाढतो.

त्याशिवाय शासकीय निवास, वाहन, सुरक्षा कर्मचारी, वैद्यकीय सुविधा यासारख्या सोयी मिळतात.

IPS अधिकारींचा पगार जरी आकर्षक असला तरी तो केवळ पैशांपुरता मर्यादित नाही. ही नोकरी जबाबदारी, धाडस आणि सेवा भाव यांची मागणी करते.

view comments

Location :

Mumbai,Maharashtra

First Published :

August 22, 2025 11:01 AM IST

IPS आदित्य कुमार यांना किती पगार मिळतो? KBC 17 मध्ये 1 कोटी जिंकल्यानंतर नेटकऱ्यांना पडला प्रश्न