नारळात पाणी येतं कुठून? जादू नाही, निसर्गाची अद्भूत कमाल! 'अशी' आहे पाण्याच्या निर्मितीची गोष्ट

नारळाच्या आत एक पोकळी असते, ज्यात हे पाणी साठवलेलं असतं. जेव्हा नारळ नवीन आणि कच्चा असतो, तेव्हा पाण्याची मात्रा सर्वात जास्त असते. कारण त्यावेळी बी खूप लहान असतं आणि त्याला जास्त पाण्याची गरज असते. जसा नारळ पिकतो, तसतसं पाणी हळू हळू कमी व्हायला लागतं आणि ते घट्ट होऊन मलई किंवा खोबरं (कोपरा) बनतं. म्हणूनच जेव्हा तुम्ही हिरवा नारळ पिता, तेव्हा तुम्हाला जास्त पाणी आणि कमी गर मिळतो. दुसरीकडे, बाजारात मिळणारा कठीण कवचाचा सुका नारळ असतो, त्यात पाणी कमी आणि खोबरं जास्त असतं.

अनेक लोकांना वाटतं की नारळात कुठूनतरी पाणी भरलेलं असतं, पण खरं तर ती एक नैसर्गिक प्रक्रिया आहे. हे पाणी झाडाच्या मुळांमधून शोषलेलं स्वच्छ आणि फिल्टर केलेलं द्रव्य असतं, जे बिच्या पोषणासाठी आवश्यक असतं. ही सगळी प्रक्रिया निसर्गाने अशा प्रकारे तयार केली आहे की नवीन रोपाला वाढण्यासाठी आवश्यक पोषण मिळू शकेल. म्हणूनच नारळपाणी इतकं शुद्ध आणि फायदेशीर असतं.