Guinness World Record : Ice-Cream नं बनवला गिनीज वर्ल्ड रेकॉर्ड; 5,20,000 रुपयांना मिळतंय जगातील सर्वात महागडं डेझर्ट

गिनीज वर्ल्ड रेकॉर्ड्सनुसार जपानमधील Cellato या कंपनीने हे अनोखं आईस्क्रीम तयार केलं आहे. त्याची किंमत आहे तब्बल 8,73,400 जपानी येन म्हणजेच सुमारे 5.2 लाख रुपये. आता प्रश्न असा येतो की, शेवटी एका आईस्क्रीममध्ये एवढं महाग काय आहे?

या आईस्क्रीममध्ये वापरले गेलेले घटक खूपच दुर्मीळ आणि महाग आहेत. यात व्हाईट ट्रफल्स घातले आहेत, जे इटलीच्या अल्बा भागात मिळतात. त्यांची किंमत जवळपास 12 लाख रुपये किलो आहे.

Cellato ब्रँडचं उद्दिष्ट होतं जपानी आणि युरोपियन घटकांचं एक खास फ्युजन तयार करणं. यासाठी त्यांनी ओसाकामधील 'Rivi' या फ्युजन रेस्टॉरंटचे चीफ शेफ तडायोशी यामादा यांची मदत घेतली. कंपनीच्या संकेतस्थळावर दिलेल्या माहितीनुसार, व्हाईट ट्रफल्समुळे या आईस्क्रीमला अप्रतिम सुगंध येतो. Parmigiano Reggiano मुळे फळांचा हलकासा स्वाद तर साके ली मुळे एक वेगळाच अनुभव मिळतो.