Yahya Sinwarचे शेवटचे क्षण, सोफ्यावर बसलेला, ड्रोन दिसताच फेकली काठी, VIDEO आला समोर

तेल अवीव : हमास विरुद्धच्या युद्धात इस्रायलला मोठं यश मिळालंय. इस्रायलचा सर्वात मोठा शत्रू हमासचा प्रमुख याह्या सिनवारचा इस्रायलने खात्मा केला. याह्या सिनवार मारला गेल्यानंतर त्याचे शेवटचे क्षण टिपणारे ड्रोन फुटेज समोर आलं आहे. हा व्हिडीओ इस्रायली लष्कराने जारी केला आहे. इस्रायलच्या संरक्षण दलाने माहिती दिली होती की, गाझामधील एका कारवाईत तीन अज्ञात दहशतवादी मारले गेले आहेत. त्यापैकी एक सिनवार असल्याची शक्यता आहे. तपास केल्यानंतर मृत्यू झालेल्या तीन दहशतवाद्यांपैकी एकजण सिनवार असल्याचं स्पष्ट झालं.