"सोन्या, डोळे मिटू नको रे..." मालकाच्या एका हाकेसाठी अंध सोन्याने 22 वर्ष मृत्यूला रोखून धरलं; शेतकऱ्याचं काळीज पिळवटून टाकणारं दुःख

सोलापूर जिल्ह्यातील मोहोळ तालुक्यातील वाळूज येथील इंद्रसेन मोठे यांच्याकडे खिलार जातीचा सोन्या नावाचा बैल होता. शरीराने रुबाबदार खिलारी बाणा असलेल्या सोन्या बैलाच्या डोळ्यातून पाणी यायचं. 2010 मध्ये इंद्रसेन मोठे यांनी गावातील पशु तज्ज्ञ डॉक्टर श्रीहरी शिनगारे यांना दाखवलं. तेव्हा डॉक्टरांनी सोन्याच्या दोन्ही डोळ्यात मांस वाढल्यामुळे शस्त्रक्रिया करून डोळे काढावे लागतील, असे सांगितले.

सोन्या हा दोन्ही डोळ्याने अंध असला तरी इंद्रसेन मोठे यांनी दिलेली हाक त्याला समजत होती. या हाकेवरून सोन्या बैलाने 22 वर्ष शेतातील सर्व कामे केली. त्याच सोन्याचे आता वृद्धापकाळाने निधन झाले. या बैलाच्या सहाय्यानेच मोठे कुटुंबीयांचा खर्च भागवत होता. मुला-बाळांचे शिक्षणही सोन्याच्या कष्टावर झालं, असंही इंद्रसेन यांनी सांगितलं.