कराडच्या शेतकऱ्याची राज्यभरात चर्चा, फक्त ९ महिन्यांत कमावले ११.५ लाख रुपये, असं केलं काय?

मुंबई : कराड तालुक्यातील मसूर कवठे येथील प्रगतशील शेतकरी लालासाहेब पाटील यांनी आधुनिक शेती पद्धतीचा अवलंब करत अवघ्या अडीच एकर क्षेत्रात हळद पिकातून नऊ महिन्यांत तब्बल साडेअकरा लाख रुपयांचे उत्पन्न मिळवले आहे. त्यांच्या या यशस्वी प्रयोगामुळे परिसरातील शेतकऱ्यांसमोर एक नवा आदर्श उभा राहिला असून, पारंपरिक शेतीपलीकडे जाऊन नियोजनबद्ध पद्धतीने शेती केल्यास चांगले आर्थिक उत्पन्न मिळू शकते, हे त्यांनी सिद्ध करून दाखवले आहे. माजी सरपंच असलेल्या लालासाहेब पाटील यांचा शेतीकडे नेहमीच अभ्यासपूर्ण आणि प्रयोगशील दृष्टिकोन राहिला आहे.