Success Story : अर्धा एकरमध्ये 350 झाडांची लागवड, शेतकऱ्याचा पपईचा प्रयोग यशस्वी, 3 लाखांची कमाई, Video
- Reported by:Ravi Shivaji Shikare
- Published by:Mohan Najan
Last Updated:
दोन वर्षांपूर्वी अर्धा एकर शेतात 350 पपई झाडांची लागवड केली आहे. या पपई झाडांची पाच बाय आठ वर लागवड करण्यात आली आहे.
छत्रपती संभाजीनगर : तालुक्यातील गाढे जळगाव येथील शेतकरी नारायण ठोंबरे यांनी गेल्या दोन वर्षांपूर्वी अर्धा एकर शेतात 350 पपई झाडांची लागवड केली आहे. या पपई झाडांची पाच बाय आठ वर लागवड करण्यात आली आहे. या पपई बागेसाठी शेणखत, बुरशीनाशकाचा वापर करण्यात आला. तसेच ठिबकद्वारे झाडांना पाणी देण्यात येते. उत्कृष्ट नियोजनामुळे पपई शेतीतून आतापर्यंत 10 टन पपई विक्री करण्यात आली. यातून दीड लाख रुपये उत्पन्न निघाले आहे आणि आणखीही 2 लाख उत्पन्न मिळेल अशी अपेक्षा ठोंबरे यांनी लोकल 18 सोबत बोलताना व्यक्त केली आहे.
गाढे जळगाव येथील नारायण ठोंबरे यांना पारंपरिक पिकामधील ज्वारी, बाजरी आणि कपाशी ही पिके परवडत नसल्याने वेगळे वाण निवडण्याचा निर्णय घेतला आणि 15 जानेवारी 2024 मध्ये अर्धा एकर शेतामध्ये 350 पपई झाडांची लागवड केली. तसेच पपईच्या एका झाडाला 80 ते 90 किलो फळ निघते. आतापर्यंत दहा टनहून अधिक फळ विक्री केलेले आहे. दीड लाखांचे उत्पन्न मिळाले असून आणखी दीड लाख म्हणजे एकूण 3 लाख रुपयांचे उत्पन्न ठोंबरे यांना मिळणार आहे.
advertisement
पपई लागवड कशी करावी?
पपई लागवडीपासून शेतीला रासायनिक खत, ठिबक यासह अन्य प्रकारचा एकूण 50 हजार रुपये खर्च लागला आहे. तसेच शेतकऱ्यांना नवीन पपईचा प्रयोग लागवड करायचा झाल्यास पपई झाडांची पाच बाय आठ, आठ बाय नऊवर लागवड करता येते. तसेच हे एका एकरमध्ये 1 हजार झाडे देखील लावता येतात. आपल्या लागवडीच्या क्षेत्रानुसार झाडांची संख्या बसते. इतर शेतकऱ्यांनी देखील पपईचा बाग केला पाहिजे त्यामुळे नुकसान कमी होते आणि उत्पन्न वाढते, असे आवाहन देखील ठोंबरे यांनी शेतकऱ्यांना केले आहे.
Location :
Aurangabad [Aurangabad],Aurangabad,Maharashtra
First Published :
Dec 10, 2025 2:58 PM IST
मराठी बातम्या/कृषी/
Success Story : अर्धा एकरमध्ये 350 झाडांची लागवड, शेतकऱ्याचा पपईचा प्रयोग यशस्वी, 3 लाखांची कमाई, Video
