Agricultre News : आर्थिक गणित बिघडणार, शेतकऱ्यांसाठी चिंताजनक बातमी, खतांच्या दरात मोठी वाढ, Video

छत्रपती संभाजीनगर : गेल्या काही वर्षांपासून रासायनिक खतांची दरवाढ थांबायचे नाव घेत नाहीत. यंदाच्या हंगामातही 50 किलोच्या गोणीवर तब्बल 200 ते 250 रुपयांची वाढ झाली. एकीकडे पावसाचे लहरीपण, नैसर्गिक संकटं, तर दुसरीकडे पिकांना हमीभाव नाही. त्यात खतांचे असे वाढते दर पाहून शेतकऱ्यांचा खर्च तर फुगतोयच, पण संपूर्ण हिशोबच गोंधळून गेलाय. शेतीला खतं लागतात हे खरं, पण सरकारकडून दरवर्षी वाढत चाललेल्या या भाववाढीमुळे उत्पादन खर्च आणि हातात येणाऱ्या उत्पन्नाचे चक्रच बिघडून बसलं आहे. त्यामुळे शासनाने खत औषधांवरील भाववाढ स्थगित करावी तसेच कापसाला योग्य हमीभाव द्यावा, अशी मागणी शेतकरी उद्धव मुळे यांनी लोकल 18 सोबत बोलताना केली.