पैसे वाया घालवू नका! या पद्धतीने घरीच ५ महागडे मसाले पिकवा
- Published by:Ajit Bhabad
Last Updated:
Agriculture News : बाजारात मिळणारे भेसळयुक्त मसाले टाळायचे असतील आणि शुद्ध, सुगंधी मसाल्यांचा वापर करायचा असेल, तर आता ते घरच्या घरीच शक्य आहे.
मुंबई : बाजारात मिळणारे भेसळयुक्त मसाले टाळायचे असतील आणि शुद्ध, सुगंधी मसाल्यांचा वापर करायचा असेल, तर आता ते घरच्या घरीच शक्य आहे. टेरेस, बाल्कनी किंवा छोट्या किचन गार्डनमध्ये काही लोकप्रिय मसाले सहज वाढवता येतात. कमी खर्चात आणि कमी जागेत या झाडांची लागवड करून तुम्ही वर्षभर ताजे मसाले मिळवू शकता. या हंगामात खालील पाच मसाल्यांची लागवड सर्वात योग्य मानली जाते.
धणे लागवड
धणे हे प्रत्येक स्वयंपाकघरातील अत्यावश्यक मसाला आहे. त्याची पाने आणि बिया दोन्ही पदार्थांना चव आणि सुगंध देतात.
लागवड पद्धत: माती सैल व सुपीक असावी. धण्याच्या बिया हलक्या दाबून पेराव्यात आणि वर मातीचा पातळ थर लावावा.
पाणी: रोज पाणी नको, पण माती ओलसर राहिली पाहिजे.
काढणी: सुमारे ३० ते ४० दिवसांत हिरवी पाने तोडता येतात, तर पूर्ण वाढ होण्यासाठी २ ते ३ महिने लागतात.
advertisement
हळद लागवड
हळद हा भारतीय मसाल्यांचा आत्मा मानला जातो. चव, रंग आणि औषधी गुणधर्म यामुळे तिचे महत्त्व खास आहे.
लागवड पद्धत: कुंड्यात ५ ते ७ सेंटीमीटर खोलवर निरोगी हळदीचे कंद लावा.
माती: हलकी, पाण्याचा चांगला निचरा होणारी असावी.
पाणी: नियमित पण माफक प्रमाणात द्या.
काढणी: अंदाजे ७ ते ९ महिन्यांत हळद तयार होते. लहान कंद वेळोवेळी काढता येतात.
advertisement
आले लागवड
आले हा दैनंदिन वापरातील मसाला असून, औषधी गुणधर्मांनी परिपूर्ण आहे.
लागवड पद्धत: ताजे, जाड आले लहान तुकड्यांमध्ये कापून सैल, सुपीक मातीत पेरावे.
काळजी: कुंड्यात ओलावा टिकवावा, पण पाणी साचू नये.
काढणी: सुमारे ६ ते ८ महिन्यांत आले तयार होते आणि गरजेनुसार काढता येते.
वेलची लागवड
गोड पदार्थ असो वा खास करी, वेलचीचा सुगंध प्रत्येक घरात आवश्यक असतो.
advertisement
लागवड पद्धत: चांगला निचरा होणारी माती निवडा. बिया २ इंच खोलवर पेरून हलके पाणी द्या.
काळजी: सूर्यप्रकाश आणि नियमित पाणी यामुळे झाडाची वाढ चांगली होते.
काढणी: वेलची झाडाला फळ येण्यासाठी साधारण २ ते ३ वर्षे लागतात, पण त्याची पानेही सुगंधासाठी वापरता येतात.
सेलेरी लागवड
सेलेरी भारतीय पाककृतींना एक वेगळी चव देण्याबरोबरच पचनासाठीही उपयुक्त आहे.
advertisement
लागवड पद्धत: कुंड्यात सुपीक, हलक्या जमिनीत सेलेरीच्या बिया थेट पेराव्यात.
काळजी: बिया लवकर अंकुरतात आणि वनस्पती हळूहळू पसरते.
काढणी: सुमारे ६ ते ७ आठवड्यांनंतर ताजी पाने तोडून वापरता येतात.
Location :
Mumbai,Maharashtra
First Published :
October 05, 2025 1:38 PM IST
