पन्ना (Emerald) - पन्ना रत्न बुध ग्रहाचे प्रतिनिधित्व करतो. ते बुद्धिमत्ता, संवाद कौशल्ये आणि निर्णय घेण्याची क्षमता वाढवणारे रत्न मानले जाते. ज्या लोकांच्या कुंडलीत बुध कमकुवत असतो, त्यांना अनेकदा करिअरमध्ये अस्थिरता किंवा गोंधळाचा सामना करावा लागतो. अशा वेळी पन्ना धारण करणे अत्यंत शुभ असते. हे रत्न बुधवारी धारण करण्याची परंपरा आहे. पन्ना परिधान केल्याने व्यक्तीचे संवाद कौशल्य (कम्युनिकेशन स्किल), आत्मविश्वास आणि व्यवसायाच्या वाढीमध्ये (बिजनेस ग्रोथ) वाढ होते.
advertisement
टायगर आय (Tiger Eye) - टायगर आय रत्न पिवळ्या आणि काळ्या रंगाच्या पट्ट्यांचे असते, ते दिसायला वाघाच्या डोळ्यासारखे दिसते. हे रत्न धैर्य, आत्मविश्वास आणि निर्णय घेण्याची क्षमता वाढविण्यात मदत करते. ज्या लोकांना त्यांच्या करिअरमध्ये किंवा व्यवसायात चढ-उतारांचा सामना करावा लागतो, त्यांच्यासाठी टायगर आय अत्यंत शुभ मानलं जातं. हे रत्न आर्थिक समस्या दूर करण्यासाठी, लक्ष केंद्रित करण्यासाठी (फोकस) आणि नकारात्मक ऊर्जेपासून संरक्षण करण्यासाठी देखील मदत करते.
ग्रीन जेड (Green Jade) - ग्रीन जेड हे गुड लक आणि यशाचे प्रतीक मानले जाते. हे रत्न विशेषतः विद्यार्थी आणि स्पर्धा परीक्षा किंवा उच्च शिक्षणाची तयारी करणाऱ्या लोकांसाठी शुभ असते. ग्रीन जेड धारण केल्याने लक्ष, एकाग्रता आणि निर्णय घेण्याची क्षमता वाढते. याव्यतिरिक्त, हे रत्न व्यक्तीच्या सभोवताली सकारात्मक ऊर्जेची निर्मिती करते आणि समाजात मान-सन्मान व प्रसिद्धी देखील वाढवते.
मोबाईल नंबरच्या शेवटी हा क्रमांक म्हणजे काम कमी अन्..! शनिशी संबंधित असल्यानं
नीलम (Blue Sapphire) - नीलम रत्न शनि ग्रहाचे प्रतिनिधित्व करते आणि ते रत्नांमध्ये सर्वात शक्तिशाली मानले गेले आहे. ज्या लोकांवर शनिची कृपा असते, त्यांना हे रत्न त्वरित यश, पदोन्नती आणि आर्थिक स्थिरता देऊ शकते. तथापि, नीलम प्रत्येक व्यक्तीसाठी शुभ नसते. ते धारण करण्यापूर्वी अनुभवी ज्योतिषाचार्याचा सल्ला घेणे आवश्यक आहे, कारण जर ते अनुकूल ठरले नाही, तर त्याचे दुष्परिणामही होऊ शकतात. जे लोक नीलम धारण करू शकतात, त्यांच्यासाठी हे रत्न शनीचे अशुभ प्रभाव कमी करण्यासाठी आणि करिअरमध्ये वेगाने प्रगती घडवून आणण्यासाठी मदत करते.
दिवाळीतच संकट! गुरुची अतिचारी स्थिती या राशीच्या लोकांना त्रासदायक, कामात विघ्ने
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)