बॅटरी आणि रेंज
सुझुकी ई-अॅक्सेस इलेक्ट्रिक स्कूटरमध्ये 4.1kWची इलेक्ट्रिक मोटर आहे. जी 15Nmचा पीक टॉर्क देते. यात 3.07kWh क्षमतेचा बॅटरी पॅक देखील आणण्यात आला आहे. जो पूर्ण चार्ज केल्यानंतर 95km पर्यंतची रेंज देईल. त्याचा टॉप स्पीड 71kmph आहे. पोर्टेबल चार्जर वापरून ई-अॅक्सेस 0 ते 100% पर्यंत चार्ज करण्यासाठी 6 तास 42 मिनिटे लागतात. फास्ट चार्जरच्या मदतीने ते फक्त 2 तास 12 मिनिटांत चार्ज करता येते.
advertisement
Yamaha ची 'ती' बाइक झाली तयार, तब्बल 30 वर्षांनंतर तुफान परत येतंय!
फीचर्स आणि किंमत
सुझुकी ई-अॅक्सेस स्कूटर तीन ड्युअल-टोन कलर स्कीममध्ये खरेदी करता येईल. ज्यामध्ये मेटॅलिक मॅट ब्लॅक नंबर 2/मेटॅलिक मॅट बोर्डो रेड, पर्ल ग्रेस व्हाइट/मेटॅलिक मॅट फायब्रोइन ग्रे आणि पर्ल जेड ग्रीन/मेटॅलिक मॅट फायब्रोइन ग्रे रंग ऑप्शनचा समावेश आहे. त्याची रचना स्मार्ट आहे जी तरुणांना आवडेल. स्कूटरची सीट आरामदायी आहे.
उन्हाळ्यात ACने कूलकूल राहील कार, फ्यूलचीही होईल बचत; फक्त फॉलो करा या टिप्स
वैशिष्ट्यांबद्दल बोलायचे झाले तर, स्कूटरमध्ये TFT इन्स्ट्रुमेंट कन्सोल आहे. ज्यामध्ये ओडोमीटर, रेंज, बॅटरी, ट्रिपमीटर आणि इतर मूलभूत फीचर्स उपलब्ध आहेत. कनेक्टिव्हिटी फीचर्समध्ये टर्न-बाय-टर्न नेव्हिगेशन आणि ट्रॅफिक अपडेट्सचा समावेश आहे. ई-अ‍ॅक्सेसमध्ये तीन राईड मोड्स आहेत - इको, राईड ए आणि राईड बी. त्यात एक फोब देखील आहे. ज्याद्वारे स्कूटरला दूरवरून लॉक/अनलॉक करता येते. खराब रस्त्यांसाठी, त्यात टेलिस्कोपिक फोर्क आणि मोनोशॉक देण्यात आले आहे. या इलेक्ट्रिक स्कूटरमध्ये 12-इंच अलॉय व्हील्स आहेत. त्याची सीट उंची 765mm, ग्राउंड क्लिअरन्स 165mm आणि कर्ब वेट 122kg आहे. या स्कूटरची एक्स-शोरूम किंमत सुमारे 1.20 लाख रुपयांपासून सुरू होऊ शकते.