'बोला था खिलाफ में मत लड़, अब..'; भाजप उमेदवाराच्या घरावर जमावाचा जबर हल्ला, संभाजीनगरमध्ये खळबळ

‎याप्रकरणी मिल्लू चावरिया, दिनेश चावरिया ऊर्फ कांटो, संदीप कागडा, अक्षय चावरिया, रोहित हिवराळे, साहिल चावरिया, अमित लव्हेरा, प्रेम नितनवरे, निखिल चावरियासह बीडच्या राहुल नामक तरुणावर क्रांतीचौक ठाण्यात गुन्हा दाखल झाला. तक्रारदार विकी चावरिया (36, रा. गांधीनगर) हे मध्यरात्री 1 वाजेच्या सुमारास बंटी चावरिया यांच्यासह चर्चा करत होते. अचानक गोंधळ घालत जमाव त्यांच्या घराकडे आला. जमावाने त्यांच्यासह अन्य दोन-तीन घरांवर दगडफेक केली. विकी यांना उद्देशून 'बोला था खिलाफ में इलेक्शन मत लढ, अब तुम दोनों का जीने नहीं देंगे, जान से मार देंगे' अशी धमकी दिली.

27 वर्षे आई-वडिलांनी कचरा उचलला, आज मुलगा त्याच पालिकेत नगरसेवक, पुण्याची तरुणाची 'अमर' कहाणी

काय आहे वादाची पार्श्वभूमी

‎‎हल्ला झालेले बंटी चावरिया हे प्रभाग 15 (अ) मधून भाजपचे उमेदवार होते. तेथून सचिन खैरे विजयी झाले, तर बंटी चावरिया, सुमित जमधडे (एमआयएम), मिलाप चावरिया (शिंदेसेना), विजेता चावरिया (रा.अ.प.) व दीक्षा भावसार (व्हीएमआरजे आघाडी) हे उमेदवार होते. यात मिलाप चावरिया यांनी बंटी चावरिया यांना पराभवासाठी जबाबदार धरत हा हल्ला केल्याचा आरोप करण्यात आला आहे. शनिवारीदेखील गांधीनगरमध्ये दंगा काबू पथकाचा बंदोबस्त कायम होता.

‎शस्त्रधारी जमावाने विकी यांच्यासह त्यांच्या शेजारील कुटुंबांच्या घरांवरही दगडफेक केली. 4 ते 5 वाहनांसह खिडक्या, सीसीटीव्ही कॅमेऱ्यांची तोडफोड केली. घटनेची माहिती कळताच क्रांतीचौक पोलिसांसह दंगा काबू पथक घटनास्थळी पोहोचले. त्यानंतर आरोपींचा शोध सुरू झाला. विकी यांच्या तक्रारीवरून 14 जणांवर गुन्हा दाखल केला.