TRENDING:
भांडुप परिसरात राहणारी 29 वर्षीय तरुणीही आयटी क्षेत्रात काम करते. तिने ऑनलाईन विवाह नोंदणी केली होती. 1 मार्च रोजी नबिल मुनिर खान याने पाठवलेली रिक्वेस्ट तिने स्वीकारली. फास्ट फूडची फ्रेंचाईजी, दक्षिण आफ्रिकेत मायनिंगचा व्यवसाय, डोंगरीत वडील ट्रॅव्हल्सचा व्यवसाय करतात, असं तिला सांगण्यात आलं.
फेसबुकवरची यारी, पडली भारी! ऑनलाईन मैत्रिणीनं घातला 82 लाखांना गंडा, कशी झाली फसवणूक?
advertisement
कसे उकळले पैसे?
नबिल खान याने वेगवेगळ्या कारणांनी तरुणीकडून पैसे उकळले. स्वतःचे बँक खाते फ्रीज झाल्याचे सांगत तरुणीला ठाण्यातील सेकंडहँड मोटारसायकल डिलरला सव्वा लाख रुपये देण्यास सांगितले. त्यानं व्हाइट गोल्ड टाकून नवीन चेन बनवण्यासाठी तरुणीकडून दीड तोळ्याची चेन घेतली. पुढे अलिबागला फिरायला जात तेथेही त्याने तरुणीकडून एक लाखाचा मोबाईल घेतला. त्यानंतर मामाला कॅन्सर झाल्याचे सांगत अजून एक लाख रुपयांना गंडा घातला.
पोलिसांमुळे समजली फसवणूक
दोघांचं सगळं सुरुळीत असतानाच 19 मार्च रोजी नबिलला पोलिसांनी चौकशीसाठी नेल्याचे तरुणीला कळले. त्यानंतर डीएन नगर पोलीस ठाण्यात गेल्यावर नबिलने आणखी एका तरुणीला लग्नाचे आमिष दाखवून फसवल्याचे समजले. त्यानंतर तरुणीला तिची फसवणूक झाल्याचे समजले. तसेच तो अशाच प्रकारे तरुणींना जाळ्यात ओढून फसवणूक करत असल्याची खात्री झाली आणि नबिल खान विरोधात भांडुप पोलिसांत गुन्हा नोंदवला.
Click here to add News18 as your preferred news source on Google.