विद्युत मंडळाकडे का गेला? कोयता, काठी घेऊन आले अन्..., पंढपुरात दोघांसोबत भयंकर घडलं

पोलिसांकडून मिळालेली अधिक माहिती अशी की, पृथ्वीराज खारे यांच्या विहिरीवरील विद्युत पुरवठा नादुरुस्त झाल्याने त्यांनी विद्युत कंपनीकडे तक्रार दाखल केली होती. तक्रारीच्या अनुषंगाने विद्युत कर्मचारी सिताराम लोखंडे हे विद्युत कर्मचारी फिर्यादीच्या शेतातील डीपी जवळ येऊन त्यांना बोलावून घेतलं. दोघेजण त्या ठिकाणी गेले असता, आमची विद्युत मंडळाकडे तक्रार का केली? असे म्हणत त्यांना व त्यांच्या भावाला कोयता, काठी, दगड व लाथाबुक्क्याने मारहाण करण्यात आली.

पृथ्वीराज किसन खारे यांनी दिलेल्या तक्रारीनुसार अंकुश भानुदास खारे, अमोल खारे, आदित्य खारे, सोन्या उर्फ अक्षय अरुण खारे व संतोष भानुदास खारे सर्व राहणार पंढरपूर यांच्याविरुद्ध गुन्हा दाखल करण्यात आला आहे. अधिक तपास पोलीस हवालदार भांगे हे करत आहेत.