अर्जेंटिनामधील फियाम्मा व्हिलाव्हर्डे नावाची एक महिला तिचा 29 वा वाढदिवस साजरा करण्यासाठी फायनल डेस्टिनेशन हा सिनेमा पाहण्यासाठी गेली होती. La Plata येथील Cinema Ocho या थिएटरमध्ये फायनल डेस्टिनेशन या सिनेमाचा शो सुरू होता.
( एक एक सीन अंगावर काटा आणणारा, अनिता दातेचा भनायक अवतार; 2.8 सेकंदाचा व्हिडीओ पाहा म्हणजे सगळं कळेल )
advertisement
सिनेमा सुरू असताना अचानक थिएटरच्या छताचा काही भाग कोसळला आणि थेट तिच्या अंगावर पडला. या अपघातात तिच्या गुडघ्याला दुखापत झाली. तिला तात्काळ रुग्णालयात नेण्यात आलं आणि सध्या तिच्यावर उपचार सुरू आहेत.
हा चित्रपटाचा भाग वाटला - फियाम्माची प्रतिक्रिया
Daily Mail शी बोलताना फियाम्माने सांगितलं, "आम्ही फक्त फिरायला बाहेर पडलो होतो. त्या दिवशी तिकिटं स्वस्त होती म्हणून वाटलं चला सिनेमा पाहू." चित्रपटाच्या क्लायमॅक्सदरम्यान मोठा आवाज झाला आणि क्षणभर वाटलं की तो चित्रपटाचा भाग आहे. पण लगेचच छताचा एक मोठा तुकडा तिच्यावर पडला.
ही घटना व्हायरल होताच अनेकांनी ब्लॅक कॉमेडी करत कमेंट्स केल्या आहेत. एका युजरनं लिहिलंय, "5D एक्सपिरियन्स फ्री." दुसऱ्यानं कमेंट करत लिहिलंय, "तिने मृत्यूला फसवलं... मृत्यूने टाइमलाइन अपडेट केली."
Final Destination: Bloodlines चित्रपटाविषयी थोडक्यात
या चित्रपटात टोनी टॉड पुन्हा एकदा विल्यम ब्लडवर्थ या रहस्यमय भूमिकेत परतला आहे. सिनेमाने दिग्दर्शन झॅक लिपोव्स्की आणि अॅडम स्टीन यांनी केलं आहे. तर पटकथा गाय बुसिक आणि लोरी इव्हान्स टेलर यांनी लिहिली आहे.