काय म्हणाली टीना आहुजा?
गोविंदा आणि सुनीता आहुजाच्या घटस्फोटाच्या चर्चांवर लेक टीना आहुजाने मौन सोडलं आहे. तिने थेट सांगितलं की या सर्व चर्चा निराधार आहेत. हिंदुस्तान टाईम्सशी बोलताना टीनाने म्हटलं, " मी काय बोलू? ही फक्त अफवा आहे. मी अशा बातम्यांकडे लक्ष देत नाही. मला अभिमान आहे की मला इतकं सुंदर कुटुंब लाभलं. मीडिया आणि चाहत्यांकडून मिळणारं प्रेम खूप मोठं आहे, त्याबद्दल मी आभारी आहे."
advertisement
18 वर्षांपासून एकही हिट सिनेमा नाही, मग गोविंदा कुठून करतो एवढी बक्कळ कमाई?
टीनाने आणखी एक महत्त्वाची गोष्ट सांगितली, "सध्या बाबा देशातही नाहीत. त्यामुळे या चर्चांचा काही आधारच नाही." गोविंदाचे मॅनेजर शशी सिन्हा यांनीही या अफवांचा खुलासा केला. ते म्हणाले, "घटस्फोटाच्या चर्चा या जुन्या घटनांवर आधारित आहेत. सुनीताने 2024 मध्ये वांद्रे कौटुंबिक न्यायालयात एक खटला दाखल केला होता. पण तो खटला आता निकाली निघाला आहे. आज त्यांच्या नात्यात सर्व काही ठीक आहे. काळजी करण्यासारखं काहीच नाही."
त्यांनी पुढे हेही सांगितलं की काही लोक जुन्या गोष्टी पुन्हा पुढे आणून त्याला ताज्या बातम्यांचा रंग देतात. "गोविंदाने कधी याबद्दल बोललं का? नाही ना! मग लोकांनी अफवांवर विश्वास ठेवू नये. आम्ही लवकरच अधिकृत निवेदनही देऊ."