किशोर कदम यांनी नवी फेसबुक पोस्ट लिहित त्यांनी बिल्डरच्या विरोधात आवाज उठवल्याने त्यांना त्रास दिला जात असल्याचं सांगितलं आहे. त्यांनी सांगितलं की, 12.9.2025 रोजी रात्री 8:53 वाजता एक अनोळखी महिला सोसायटीत आली. तिने त्यांच्याबद्दल चौकशी केली आणि थेट त्यांच्या दारापर्यंत पोहोचली. महिलेनं दोनदा बेल आणि कडी वाजवली. त्यानंतर ती वरच्या मजल्यावर गेली, 3 मिनिटं थांबली आणि पुन्हा त्यांच्या दाराबाहेर आली. हे सगळं आमच्या दाराबाहेर असलेल्या CCTV मध्ये कैद झालंय.
advertisement
आधीही केली होती टेहळणी
किशोर कदम यांच्या मते, हीच महिला यापूर्वीही दोन वेळा सोसायटीच्या आसपास आली होती आणि त्यांच्याबद्दल चौकशी करून गेली होती. सोसायटीचे CCTV फुटेजमध्येही ती दिसली असावी.
वाचा किशोर कदम यांची संपूर्ण पोस्ट
बिल्डरकडून सुरू आहे मानसिक त्रास?
किशोर कदम यांनी सांगितले की, "गुन्हेगारी पार्श्वभूमी असलेल्या श्री. तेजस शहा यांची मॅनेजजिंग कमिटीने कुठल्याही प्रकारची सखोल चौकशी न करता नियुक्ती केल्याच्या विरोधात आवाज उठवल्याने आता मला आणि माझ्या पत्नीला हा भावनिक मानसिक सामाजिक आणि आर्थिक त्रास सहन करावा लागतो आहे. वाईट प्रवृत्तीच्या विरोधात आवाज उठवणे हे प्रत्येक जबाबदार नागरिकांचे कर्तव्य आहे. इथे तर माझे संपूर्ण घरच दावणीला लागले आहे. खरेतर सगळी तेवीस घरे मॅनेजिंग कमिटीने दावणीला लावली आहेत."
कायदेशीर कारवाईची मागणी
किशोर कदम यांनी म्हटलं की, "अशा बेजबाबदार आणि बेबुर्वत कारभार करणाऱ्या मॅनेजिंग कमिटी विरोधात कडक कायदेशीर कारवाई झालीच पाहिजे, जेणेकरून अशा प्रवृत्तीच्या भ्रष्ट कारभार करणाऱ्या कमीट्या ताळ्यावर येतील".
किशोर कदम यांनी पुन्हा एकदा मुख्यमंत्री देवेंद्र फडणवीस यांचे आभार मानत न्यायाची अपेक्षा केली आहे. त्यांनी पोस्टच्या शेवटी लिहिलंय, "माननीय फडणवीस साहेब..! आपण जो मला दिलासा दिलात त्याबद्दल मी आणि माझी पत्नी आपले खूप खूप आभारी आहोत. या प्रकरणाशी संबंधित सर्व शासकीय कार्यालयांच्या सहकार्याचे रूपांतर मला न्याय मिळवून देण्यात होईल अशी मी आशा व्यक्त करतो."