अभिनेता मनोज वाजपेयीनं इन्स्टाग्रामवर शेअर केलेल्या त्याच्या शर्टलेस फोटोनं सर्वांचं लक्ष वेधलं आहे. सलमान खानसारखी शर्टनेस स्टाइल आणि शाहरूख खानच्या पठाणसारखे सिक्स पॅक्स या फोटोमध्ये पाहायला मिळत आहेत. वयाच्या 54व्या वर्षी देखील फिट अँड फाइन असलेल्या मनोज वाजपेयीचं चाहत्यांनी कौतुक केलंय. विशेष म्हणजे तरूणी तर मनोजच्या फोटोवर फिदा झाल्यात.
हेही वाचा - समोर 21वर्षांचा मुलगा अन् थेट गुडघ्यावर बसून दुसऱ्या बायकोला अरबाजनं केलं प्रपोज, Video
advertisement
मनोज वाजपेयीनं त्याच्या शर्टलेस फोटोसह खास कॅप्शन देखील लिहिलं आहे. 'न्यू इअर न्यू मी. d̶e̶l̶i̶c̶i̶o̶u̶s̶ सूपचा माझ्या शरीरावर प्रभाव पहा. एकदम किलर लुक आहे की नाही?' अस कॅप्शननं मनोजनं या फोटोला दिलं आहे. हे कॅप्शन आणि फोटो पाहून चाहत्यांनी कमेंट्स करत लिहिलंय, 'भाई मां कसम मनोज फायर लग रहे हो.' तर दुसऱ्या चाहत्यानं लिहिलंय, 'हे सिक्स पॅक तू कुठे लपवले होते?' तर अनेकांनी फायर इमोजी शेअर करत मनोजच्या शर्टलेस फोटोला पसंती दर्शवली आहे.
आता नवीन वर्षाच्या पहिल्या दिवशी मनोजनं त्याचा शर्टलेस फोटो का शेअर केला? हा प्रश्न राहिलाच. याचं कारण फार स्पेशल आहे. मनोजचा शर्टलेस फोटो त्यावरील कॅप्शन हे त्याच्या नव्या प्रोजेक्टचं प्रमोशन आहे.
मनोज वाजपेयी आणि अभिनेत्री कोंकणा सेन शर्मा यांची क्राइम थ्रिलर वेब सीरिज 'किलर सूप' येत्या 11 जानेवारीला प्रेक्षकांच्या भेटीला येणार आहे. अभिषेक चौबे दिग्दर्शित ही सीरिज नेटफ्लिक्स या ओटीटी प्लॅटफॉर्मवर पाहायला मिळेल.