'पंचायत 2' फेम अभिनेत्री आंचल तिवारीने तिच्या सोशल मीडियावर एक व्हिडिओ पोस्ट केला आहे. या व्हिडिओमधून तिने तिच्या मृत्यूची बातमी खोटी
असून ही अफवा पसरवणाऱ्यांवर राग व्यक्त केला आहे. पण तिचं नाव या बातमीत का आलं, काय म्हणाली आंचल या व्हिडिओत जाणून घ्या.
advertisement
व्हिडिओमध्ये अभिनेत्री म्हणाली, 'माझं नाव आंचल तिवारी आहे, काल तुम्ही 'पंचायत 2' फेम अभिनेत्री आंचल तिवारीचं निधन झाल्याची बातमी पहिली असेलच. पण ती आंचल तिवारी दुसरी कोणीतरी आहे, ती एक भोजपुरी अभिनेत्री आहे. 'पंचायत 2' मधली आंचल तिवारी आता तुमच्यासमोर उभी आहे. मी पूर्णपणे सुरक्षित असून ती बातमी खोटी आहे.' असं तिने म्हटलंय.
पुढे आंचल म्हणाली, 'माझा भोजपुरी सिनेसृष्टीशी काहीही संबंध नाही. मी हिंदी सिनेमात काम करते. हिंदी रंगभूमीवर मी काम केलं आहे. त्यामुळं कृपया मला भोजपुरी सिनेसृष्टीशी जोडू नका. या खोट्या बातमीमुळं मला मानसिक यातना सहन कराव्या लागल्या आहेत.''असं म्हणत तिने संताप व्यक्त केला आहे.
सोबतच काही दिवसांपूर्वी पूनम पांडेने एक पब्लिसिटी स्टंट केला होता. त्यामुळं आता आंचलची तुलना पुनमशी केली जातेय. आता आंचलने याविषयी देखील मत व्यक्त केलं आहे. ती म्हणाली, 'माझी तुलना लोकांनी पूनम पांडेशी केली आहे. पण असं काही नाहीये. माझी यात काहीही चूक नाही' असं म्हणत तिने सगळ्यांनाच आश्चर्याचा धक्का दिला आहे. ही अभिनेत्री जिवंत असल्यानं चाहत्यांचा जीव भांड्यात पडला आहे. तिचा हा व्हिडीओ व्हायरल होत आहे.