बिट्या बनवण्यासाठी साहित्य
1) 1 वाटी सोजी (गव्हाच्या जाड कण्या) 2) 1 वाटी गव्हाचं पीठ(कणिक) 3) चवीनुसार तिखट, हळद, मीठ, तेल,ओवा आवश्यक आहे.
दोनच साहित्य आणि 5 मिनिटांत नाश्ता तयार, विदर्भात फेमस आहे ही रेसिपी
बिट्या बनवण्यासाठी कृती
सर्वप्रथम गव्हाची सोजी गिरणी वरून दळून आणायची आहे. घरी आल्यावर रवा-मैद्याच्या चाळणीने चाळून घ्यायची आहे. जाड पिठाचा चोथा पाखडून कोंडा बाहेर काढायचा. उरलेल्या पदार्थाला सोजी असं म्हणतात. एका परातीत हीच सोजी आणि गव्हाची रोजची कणिक घेऊन तिखट, मीठ , हळद, ओवा आणि छोटे 2 चमचे तेल असं ऍड करून घट्टसर गोळा (अति घट्टही नको आणि अती सैलही नको) तयार करून घ्यायचा आहे. त्यानंतर त्याचे 4 भाग करून ते जाड लाटून घ्यायचे तेल लावून एकावर एक ठेवायचे,आता त्याचा रोल करून घ्यायचा आहे.
advertisement
दोन्ही बाजूने फोल्ड करून बंद करून घ्यायचं. आता 10 मिनिटांसाठी हा मळलेला गोळा झाकून ठेवायचा. आता एका कढईत पाणी घेऊन त्यावर तेल लावलेली चाळणी ठेवायची आणि आपण बनवलेला रोल 10 मिनिटे वाफवून घ्यायचा. 10 मिनीटांनी चेक करून घेऊ शकता. 2 मिनिटांनी त्याचे सारखे गोल काप करून घ्या आणि गरम तेलात तळून घ्या. कुरकुरीत, खुसखुशीत, आणि चविष्ट अशा बिट्या खाण्यासाठी तयार आहे. या बिट्या अशाही टेस्टी लागतात किंवा तुम्ही वांग्याची भाजी,फोडणीची डाळ,किंवा डाळभाजी बरोबर खाऊ शकता.
वेस्टपासून बेस्ट, जास्त पिकलेल्या केळीपासून बनवा उपवासाची चविष्ट रेसिपी, Video
मुलांना द्या हेल्दी रेसिपी
विदर्भात अनेकांच्या घरी बिट्या हा पदार्थ बनविला जातो लहान मुलांसाठी कुरकुरीत तर वयोवृद्धांसाठी मउशार तळून घेता येऊ शकतो. डब्ब्यावर पोळी खाण्यास कंटाळा करणाऱ्या मुलांकरिता शाळेत डब्ब्यावर देण्यासाठी हा पदार्थ अनेकांना आवडतो. अशा पद्धतीने सोपी आणि हेल्दी अशी बिट्या ही रेसिपी तुम्ही नक्की ट्राय करून बघा.