पुण्यातील नारायण पेठ या ठिकाणी असलेल्या स्वतंत्रपूर्व काळातील म्हणजेच 135 वर्ष जुना निघोजकर वाडा आहे. या वाड्याच्या इतिहासाइतकाच तेथील वडापाव देखील लोकप्रिय आहे. नारायण पेठेच्या रस्त्यावरून जात असताना निघोजकर वाडा आला कि नाकावर या चमचमीत वडापावचा सुगंध येतो आणि हा वडापाव खाण्यासाठी पुणेकर या ठिकाणी वळतात.
एकाच ठिकाणी खा कोळशाच्या भट्टीवर भाजलेले 6 प्रकारचे वडापाव, पाहताच सुटेल तोंडाला पाणी
advertisement
वडापाव हे खरंतर सामान्यांचं फूड.खायला काही प्लेट लागत नाही ना चमचा. जितकं लवकर बनतो, तितक्याच लवकर खाल्लाही जातो. गेल्या ४ वर्षांपासून सोनाली बोंदार्डे आणि त्यांचे पती संदीप बोंदार्डे यांनी स्नॅक्स सेंटरचे व्यवस्थापन करण्यास सुरुवात केली. त्यानंतर अगदी कमी वेळेत हा वडापाव प्रचंड लोकप्रिय झाला .
135 वर्ष जुन्या वाड्यात संध्याकाळच्या मंद प्रकाशात वडापाव खाणं हे अनेक पुणेकरांसाठी रुटिन झालंय. सोनाली दिवसभर नोकरी करून इथं वडापाव विकतात. इथं मिळणाऱ्या गरमागरम वडापावला पुणेकरांनी चांगलंच प्रेम दिलं असं त्यांनी सांगितलं.
Video: वडापावप्रेमी असाल तर इथे भेट द्याच! उलटा वडापाव आणि उपवासाचा वडा खाऊन बोटं चाटत बसाल
निघोजकर वाड्याचा इतिहास
नारायण पेठेतला निघोजकर वाडा हा घरगुती पदार्थांसाठी विशेषत: वडापाव आणि भजीसाठी ओळखला जातो. 1920 मध्ये हा वाडा दिनकर निघोजकर यांनी विकत घेतला. लग्न आणि इतर समारंभांसाठी त्यांनी अर्धा वाडा भाड्याने द्यायला सुरुवात केली. पुढे 1961 मध्ये पानशेत धरणाच्या पुरामुळे त्यांनी लग्नासाठी जागा भाड्याने देणे बंद केले. पण निघोजकर कुटुंब मागे हटले नाही! त्यांनी पुन्हा त्यांचा तळमजला भाग भाड्याने देण्यास सुरुवात केली, जरी यावेळी त्यांनी ते थिएटर, परफॉर्मिंग आर्ट्स रिहर्सलसाठी भाड्याने दिले. श्रीराम लागू, निळू फुले यांसारखे दिग्गज कलाकार देखील या वाड्याला नियमित भेट देत. या वाड्यामध्ये आजही नियमित नाटकांच्या तालिमी होतात.