पायांमध्ये वेदना, पेटके येणं किंवा बधीरपणा जाणवणं : पाय सतत दुखणं, विशेषत: रात्री होणाऱ्या वेदना, चालताना होणारा त्रास हे हार्ट डिसिजेसचं लक्षण असू शकतं. पायांमध्ये रक्ताभिसरण कमी झाल्यामुळे या समस्या जाणवतात.
पायांचा रंग बदलणं : जर पायांचा रंग पिवळा, मातकट किंवा निळा झाला तर हे हृदय आजारी असल्याचं लक्षण असू शकतं. रक्ताभिसरणाच्या समस्यांमुळे पायांचा रंग बदलू शकतो.
advertisement
आता पिवळ्या दातांची चिंता विसरुन जा, 'या' घरगुती उपायांनी चमकवा मोत्यांसारखे दात
पायांना झालेली जखम लवकर बरी न होणं : जर पायाला झालेली जखम लवकर बरी होत नसेल किंवा ही जखम पुन्हा चिघळत असेल तर हे रक्ताभिसरणाच्या समस्येचं लक्षण असू शकतं. डायबेटीस असलेल्या रुग्णांमध्येही ही समस्या दिसून येते.
पायावरचे केस गळणं : पायांवरचे केस कमी होणं किंवा गळणं हे शरीराच्या सर्व भागांमध्ये पुरेसं रक्त पोहोचत नसल्याचं लक्षण असू शकतं. हृदयाची गती कमी झाल्यामुळे ही समस्या जाणवू शकते.
पायांच्या नखांची वाढ मंदावणं : पायांची नखं फार हळूहळू वाढत असतील किंवा त्यांचा रंग बदलत असेल तर हे रक्ताभिसरणाच्या समस्येचं लक्षण असू शकतं. आपल हृदय नीट काम करत नसल्याची ही सूचना आहे.
या गोष्टी लक्षात ठेवा
ही लक्षणं आरोग्याच्या इतर समस्यांमुळेदेखील दिसू शकतात. जर तुम्हाला यांपैकी कोणतीही लक्षणं दिसली तर डॉक्टरांचा सल्ला घेतला पाहिजे. याशिवाय हार्ट डिसिजेसचा धोका कमी करण्यासाठी निरोगी जीवनशैलीचा अवलंब केला पाहिजे. नियमित व्यायाम करावा, संतुलित आहार घ्यावा आणि धूम्रपान टाळावं.