अशा परिस्थीती तुमचा पार्टनर असला किंवा नसला तरी तुम्हाला सोलो डेट करणं गरजेचं आहे. आता स्वतःसोबत खास वेळ कसा घालवावा? ज्यामुळे तुम्ही आनंदी रहाल? असा प्रश्न तुमच्याही मनात आला असेल? चला तज्ज्ञांनी सांगितलेले काही आइडिया पाहू.
1. निसर्गात चालणं किंवा पिकनिक
सकाळच्या वेळी उद्यानात किंवा डोंगराळ भागात एकट्याने चाला, हे मनाला शांतता देतं. निसर्गातील हिरवाई, पक्ष्यांचा आवाज आणि शांत वातावरण मानसिक आरोग्यासाठी उत्तम असतं.
advertisement
2. आवडत्या कॅफेत स्वतःसोबत वेळ
आपल्या आवडत्या कॅफेत बसून कॉफी किंवा चहा घेत पुस्तक वाचणं किंवा म्यूजिक ऐकणं हा सेल्फ-लव्ह वाढवण्याचा उत्तम मार्ग आहे. हे एक छोटं पण आनंददायी सोलो डेटिंग आयडिया आहे.
3. आर्ट आणि क्रिएटिव्ह ॲक्टिव्हिटी
पेंटिंग, पॉटरी, फोटोग्राफी किंवा क्राफ्ट क्लासेसला स्वतःहून जाणं ही एक उत्तम थेरपी आहे. American Psychological Association च्या अभ्यासानुसार, क्रिएटिव्ह ॲक्टिव्हिटीज मानसिक ताण कमी करून आनंद वाढवतात.
4. सिनेमा किंवा नाटक पाहणं
अनेकांना वाटतं चित्रपट किंवा नाटक एकटं काय पाहायला जाणार? पण हे स्वतःला वेळ देण्याचं उत्तम उदाहरण आहे. तुम्हाला आवडणाऱ्या सिनेमात स्वतःची कंपनी एन्जॉय करणं हे सेल्फ-लव्ह वाढवतं.
5. योगा आणि मेडिटेशन रिट्रीट
एक-दोन दिवसांचं योगा किंवा मेडिटेशन रिट्रीट घेतल्याने मन आणि शरीराला शांती मिळते. हे आत्मचिंतन आणि स्वतःशी कनेक्ट होण्यासाठी प्रभावी मार्ग आहे.
6. लहान सोलो ट्रिप
जवळपासच्या ठिकाणी सोलो ट्रिप प्लॅन करणं ही स्वतःला ओळखण्याची आणि नवीन अनुभव घेण्याची संधी आहे. प्रवासादरम्यान तुम्ही स्वावलंबी होण्याची सवय लावता.
7. घरातच सेल्फ-केअर डे
स्पा ट्रीटमेंट, स्किनकेअर, आवडत्या प्लेलिस्टसोबत डान्स करणं किंवा मनसोक्त झोप घेणं हा सुद्धा एक उत्तम सोलो डेट आहे.
स्वतःसोबत वेळ घालवणं म्हणजे स्वार्थीपणा नाही, तर स्वतःवर प्रेम करण्याची एक गरज आहे. सोलो डेटिंगमुळे आत्मविश्वास वाढतो, मानसिक आरोग्य सुधारतं आणि जीवनाकडे पाहण्याचा सकारात्मक दृष्टिकोन मिळतो.