TRENDING:
उत्पादन शुल्क विभागाला दिलेल्या निर्देशांनुसार, निवडणूक काळात मद्याची अवैध विक्री होणार नाही, यासाठी विशेष पथके तैनात असणार आहेत. सर्व सरकारी परवाना असलेल्या मद्य विक्रेत्यांना बंदाबाबत लेखी नोटीस देऊन तिची नोंद अभिलेखात ठेवण्याचे आदेश निरीक्षकांना देण्यात आले आहेत. बंदीच्या काळात एकही अगदी परवाना असलेलं मद्य विक्री केंद्र देखील सुरू असल्यास संबंधितांना वैयक्तिकरीत्या जबाबदार धरण्यात येईल, असेही स्पष्ट करण्यात आले आहे.
advertisement
Amravati: 'दिल्लीसारखं अमरावतीला बॉम्बने उठवून देऊ' धमकीच्या फोन कॉलमुळे खळबळ, अखेरीस..
मतदानाच्या दिवशी आठवडी बाजारही बंद
2 डिसेंबर रोजी मतदान प्रक्रिया शांततामय आणि निर्भय वातावरणात पार पडावी, यासाठी जिल्हा प्रशासनाने मतदानाच्या दिवशी सर्व आठवडी बाजार बंद ठेवण्याचे निर्देश दिले आहेत. मोर्शी शहरात या दिवशी आठवडी बाजार असल्यानं स्थानिक आरओमार्फत बंदीचे आदेश जारी करण्यात येणार आहेत.
मतमोजणी केंद्राच्या परिसरात निर्बंध
3 डिसेंबर रोजी मतमोजणीदरम्यान सुरक्षेच्या दृष्टीने मतमोजणी केंद्राच्या 200 मीटर परिसरात कडक निर्बंध लागू केले आहेत. उमेदवार, त्यांचे प्रतिनिधी आणि निवडणूक कर्मचार्‍यांशिवाय इतर कोणालाही प्रवेश मिळणार नाही. तसेच या परिसरात वाहने आणण्यासही सक्त मनाई आहे.
निवडणूक संपूर्णपणे मुक्त, शांततामय आणि पारदर्शक पद्धतीने पार पाडण्यासाठी जिल्हा प्रशासनाने हा कडक निर्णय घेतल्याचे स्पष्ट करण्यात आले आहे.