TRENDING:
मिळालेल्या माहितीनुसार, अजिनाथ यांच्या चुलत भावाच्या मुलावर सिल्लोडमधील एका रुग्णालयात उपचार सुरू होते. त्याला भेटण्यासाठी अजिनाथ सोमवारी दुपारी निघाले होते. सिल्लोडमध्ये पोहोचल्यानंतर त्यांनी दुचाकी लोटत सिल्लोड बायपास रोडवरील भारत पेट्रोलियमसमोरून रस्ता ओलांडण्याचा प्रयत्न केला.
मलकापूर डेपोची (एमएच-14 एमएच-1475) बस याच वेळी मलकापूरहून पुण्याकडे जात होती. भरधाव वेगातील या बसने अजिनाथ यांना जोरदार धडक दिली. धडकेनंतर ते सुमारे 100 फूट फरपटत गेल्याची माहिती आहे. या भीषण अपघातात काही क्षणांतच एका तरुणाचे आयुष्य संपुष्टात आले.
advertisement
डिसेंबरमध्ये कोर्ट मॅरेज आणि मार्चमध्ये प्रेमविवाहाचा भयानक The End, छ. संभाजीनगर हादरलं!
घटनेनंतर परिसरात मोठी खळबळ उडाली. सायंकाळी 7 वाजता अत्यंत शोकाकुल वातावरणात अजिनाथ यांच्या पार्थिवावर अंत्यसंस्कार करण्यात आले. त्यांच्या पश्चात आई, वडील, पत्नी, चार वर्षांची मुलगी आणि भाऊ असा परिवार आहे. या प्रकरणाची नोंद सिल्लोड शहर पोलिस ठाण्यात करण्यात आली असून पुढील तपास सुरू आहे.
सिल्लोड बायपास रोडवरील भारत पेट्रोलियमसमोरील परिसर अपघातप्रवण ठिकाण म्हणून ओळखला जात आहे. येथे वारंवार अपघात घडत असल्याची स्थानिकांची तक्रार आहे. वाहनांचा वेग नियंत्रणात ठेवण्यासाठी स्पीडब्रेकर किंवा गतिरोधक नसल्याने धोका वाढत असल्याचे नागरिकांचे म्हणणे आहे.
जर या ठिकाणी योग्य उपाययोजना केल्या असत्या, तर अजिनाथ यांचा जीव वाचला असता, अशी भावना व्यक्त केली जात आहे. तसेच इशारा फलक, झेब्रा क्रॉसिंग आणि रिफ्लेक्टर बसविण्याचीही मागणी नागरिकांकडून होत आहे. प्रशासनाने तातडीने पाहणी करून आवश्यक पावले उचलावीत, अशी अपेक्षा व्यक्त केली जात आहे.