छत्रपती संभाजीनगर येथे सुमित पंडित हे सलून व्यवसाय करतात. व्यवसाय करत असताना त्यांच्या दुकानासमोरून अनेक बेवारस नागरिक जायचे. त्यांची दाढी कटिंग करून, अंघोळ घालून, कपडे देण्याचे काम पंडित करत असत. तसेच त्यांना राहण्यासाठी छत मिळावे म्हणून पंडित वृद्धाश्रमांशी, जिल्ह्यातील आश्रमांशी संवाद साधत. मात्र जागा पूर्ण असल्याचे सांगण्यात येत होते, तर काही ठिकाणी कुठला हॉल पाहिजे, एसी रूमसारखे त्यासाठी 5 ते 10 हजार रुपये लागत असल्याचे सांगण्यात येत असे. त्यामुळे काही काळानंतर माणुसकी सेवालय ही संस्था 2021 साली त्यांनी सुरू केली आणि या माध्यमातून निराधारांना आधार देण्याचे, त्यांचा सांभाळ करण्याचा निर्णय घेतला असल्याचे पंडित यांनी लोकल 18 सोबत बोलताना सांगितले.
advertisement
Ashadhi Wari 2025: जालना ते पंढरी सायकल वारी, 5000 वारकऱ्यांचं खास रिंगण, पाहा Video
दाम्पत्याने 33 जणांना कुटुंबासोबत जोडले
माणुसकी सेवालय हे फक्त आश्रयस्थान नसून येथे येणाऱ्या प्रत्येक व्यक्तीला प्रेम आणि आपुलकी दिली जाते. शहरात तसेच विविध ठिकाणी भटकत असलेल्या लोकांना पोलीस प्रशासनाचे कर्मचारी माणुसकी सेवालयात आणतात. त्यानंतर सर्वप्रथम या लोकांच्या स्वच्छतेची काळजी घेतली जाते. मग जेवण्याची, राहण्याची व्यवस्था करण्यात येते.
माणुसकी सेवालय गरजूंना केवळ तात्पुरता आधार देत नाही तर त्यांना त्यांच्या कुटुंबासोबत जोडण्याचं काम देखील करते. आतापर्यंत 33 महिला आणि पुरुषांना त्यांच्या घरी सुखरूपपणे पंडित दाम्पत्याने सोडले आहे. सध्या त्यांच्याकडे दोन महिला-पुरुष असून त्यांचा सांभाळ ते करत आहेत, या कामातून समाधान आणि आनंद मिळत असल्याचे पूजा पंडित सांगतात.