कोणी केली सुरुवात?
जालना जिल्ह्यातील अंबड तालुक्यातील वडीगोद्री येथील अतुल मिसाळ यांनी हॉटेल मॅनेजमेंट पदवी पर्यंतचे शिक्षण घेतलेले आहे. शहरामध्ये विविध डोस्याचे प्रकार भेटतात मग ग्रामीण भागामध्ये ही आपण काही तरी चविष्ट पदार्थ तयार करावा असा विचार त्यांनी केला. ग्रामीण भाग असो किंवा शहरी भाग खवय्ये हे डोस्यालाच पसंती देतात. त्यामुळे इथेच काही स्पेशल डोसा तयार करून असा विचार त्यांनी केला. धुळे-सोलापूर राष्ट्रीय महामार्गावर वडीगोद्री शिवारात बासुरी हॉटेल येथे स्पेशल बासुरी डोसा सुरुवात केली.
advertisement
तुम्ही कधी खाल्लाय का चिकन वडापाव? एकदा पाहा हा Video
डोस्याचे काय वैशिष्ट्ये?
या डोस्याचे खास वैशिष्ट्य म्हणजे हा डोसा जास्त कॉन्टिटी असतो. यामध्ये हिरव्या पालेभाज्या, गाजर, बीट, कोथिंबीर, काकडी, टोमॅटो, सिमला मिरची यांचाही वापर केला जातो. तसेच ओल खोबर, दाळ,फोडणी देऊन तयार केलेली चटणी, बटाट, कांदा हिरव्या मिरच्या चिरलेल्या, तेल लसूण, आल्याची पेस्ट, मोहरी, हळद, हिंग, कढीपत्ता, उडीद डाळ, चवीनुसार मीठ तसेच चीझ, बॅटर, पनीर,हे सर्व टाकून पुन्हा त्या डोस्याला फोल्ड करून पुन्हा या डोस्यावरती चीज आणि बटर लावले जाते.
'या’ पदार्थांचा जेवणात वापर करून आजारांना करा हद्दपार, तुम्ही कल्पना केली नसेल इतके आहेत फायदे
काय आहे किंमत?
बासुरी स्पेशल डोस्याला ग्राहकांची मोठ्या प्रमाणात पसंती असते. या स्पेशल बासुरी डोस्याची किंमत 150 रुपये ठेवण्यात आलेली आहे. धुळे -सोलापूर राष्ट्रीय महामार्गावरून प्रवास करणारे प्रवाशी हामखास या ठिकाणी थांबून बासुरी स्पेशल डोसा खाल्ल्याशिवाय जात नाही. तसं शहरापेक्षा स्वादिष्ट डोसा ग्रामीण भागात भेटत असल्याने या डोस्याची मागणी जास्त प्रमाणात आहे, असं अतुल मिसाळ यांनी सांगितलं.