धाराशिव : 700 रुपये महिना पगारावर काम केलेला तरुणाने ज्याठिकाणी काम केले तोच व्यवसाय चालवायला घेतला. तुम्हाला वाचून आश्चर्य होईल, मात्र, आता हाच व्यक्ती या व्यवसायाच्या माध्यमातून महिन्याकाठी 70 ते 80 हजार रुपयांची उलाढाल करत आहे. आज जाणून घेऊयात, ही यशस्वी कहाणी.
राहुल साबळे असे या व्यक्तीचे नाव आहे. त्यांनी वयाच्या 25 व्या वर्षी त्यांनी सेतू सुविधा केंद्रामध्ये कॉम्प्युटर ऑपरेटर म्हणून कामाला सुरुवात केली. आता तेच सेतू सुविधा केंद्र ते चालवत आहेत आणि त्यातून त्यांना दिवसाकाठी अडीच ते तीन हजार रुपयांची उलाढाल होते आहे.
advertisement
धाराशिव जिल्ह्यातील भूम शहरातील राहुल रामदास साबळे या तरुणांना 2003 पासून ते 2018 पर्यंत सेतू सुविधा केंद्रात कॉम्प्युटर ऑपरेटर म्हणून काम केले. त्यावेळी त्यांना महिन्याकाठी 700 रुपये महिना पगार मिळत होता. 700 रुपये महिन्याने काम केलेल्या राहुल साबळे यांनी आहे त्या ठिकाणी सातत्यपूर्ण काम केले आणि 2019 नंतर तेच सेतू सुविधा केंद्र त्यांनी चालवायला घेतले.
आता त्यांना दिवसाकाठी अडीच ते तीन हजार रुपये अशाप्रकारे महिनाभरात 70 ते 80 हजार रुपयांची उलाढाल करत आहेत. आता त्यांच्याकडे 4 कामगार काम करत आहेत. स्वतः कामगार म्हणून काम केलेल्या राहुल साबळे यांना व्यवसायातून चांगले आर्थिक उत्पन्न मिळत आहे.
त्यांच्या सेतू सुविधा केंद्रात त्यांनी पासपोर्ट साईज फोटोचे शॉप ऑनलाइन कागदपत्रे, आदी सुविधा नागरिकांसाठी उपलब्ध करून दिल्या आहेत. ज्याठिकाणी कामगार म्हणून काम केले तेच सेतू सुविधा केंद्र चालवायला घेतले आहे आणि त्यातून चांगली आर्थिक उलाढाल होत आहे, अशी प्रतिक्रिया राहुल साबळे यांनी लोकल18 शी बोलताना दिली.