बेलापूर विधानसभेत ट्रम्पेट चिन्ह आणि नाम साधर्म्य असलेल्या उमेदवारामुळे महाविकास आघाडीचे उमेदवार संदीप नाईक यांना फटका बसला. महाविकास आघाडीचे संदीप नाईक यांचा केवळ 377 मतांनी भाजपा महायुतीच्या उमेदवार मंदा म्हात्रे यांनी पराभव केला. मात्र, याच ठिकाणी प्रफुल्ल म्हात्रे या अपक्ष उमेदवाराला ट्रम्पेट चिन्हामुळे 2860 मते मिळाली. तर संदीप नाईक नावाच्या एका अपक्ष उमेदवाराला 513 मते मिळाली आहेत. त्यामुळे ट्रम्पेट चिन्ह आणि नाम सामर्थ्य असलेल्या उमेदवारांनी घेतलेल्या मतांमुळे संदीप नाईक यांचा पराभव झाला असल्याची चर्चा सुरू झाली आहे.
advertisement
भाजपच्या विजयी उमेदवार मंदा म्हात्रे यांना 91 हजार 852 मते पडली. तर, संदीप नाईक यांना 91 हजार 475 मते मिळाली.
मंदा म्हात्रे यांच्या नावाशी साधर्म्य असलेली उमेदवार...
या मतदासंघात फक्त संदीप नाईकच नव्हे तर भाजपच्या विजयी उमेदवार मंदा म्हात्रे यांच्या नावाशी साधर्म्य असलेल्या मंदा म्हात्रे या आणखी एक उमेदवार होत्या. त्यांना 557 मते मिळाली.
वळसे पाटील निकमांमुळे वाचले...
आंबेगाव विधानसभा निवडणुकीत राष्ट्रवादी अजित पवार यांच्या पक्षाचे दिग्गज नेते दिलीप वळसे पाटील यांचा 1523 मतांनी विजय झाला. शरद पवार गटाचे उमेदवार देवदत्त निकम यांचा त्यांनी पराभव केला. देवदत्त निकम यांच्या नावाशी साधर्म्य असलेले उमेदवार देवदत्त निकम या अपक्ष उमेदवाराला 2965 मते मिळाली. हा फटका बसला नसता तर शरद पवारांचा आणखी एक उमेदवार विजयी झाला असता.