अशोक गायकवाड यांनी पूर्वी आरपीआय (आठवले गट) जिल्हाध्यक्ष, प्रदेश सरचिटणीस म्हणून काम पाहिले आहे. त्यानंतर त्यांनी स्वतंत्र राजकीय पक्षाची नोंदणी केली होती. पुढे त्यांनी एकत्रित शिवसेनेत प्रवेश केला व नंतर विधानसभा निवडणुकीपूर्वी त्यांनी राष्ट्रवादी काँग्रेसमध्ये (अजित पवार गट) प्रवेश केला होता. सहायक पोलीस उपनिरीक्षक राजेंद्र गर्गे शहरातील कोतवाली पोलीस ठाण्यात, गुप्तवार्ता शाखेत काम करतात. दोन महिन्यांनी ते निवृत्त होणार होते. या दोघांविरुद्ध शहरातील तोफखाना पोलीस ठाण्यात गुन्हा दाखल करण्यात आला आहे. या प्रकरणात सहायक पोलीस निरीक्षक सपकाळे हेही वादाच्या भोवऱ्यात सापडले आहेत.
advertisement
नेमकं प्रकरण काय?
या प्रकरणातील तक्रारदाराच्या नातेवाईकाविरुद्ध गांजा आढळल्या प्रकरणी, कोतवाली पोलीस ठाण्यात गुन्हा दाखल आहे. या गुन्ह्याचा तपास सहायक पोलीस निरीक्षक कुणाल सपकाळे यांच्याकडे आहे. या नातेवाईकाने तक्रारदाराच्या ऑनलाईन बँक खात्याचा वापर केलेला आहे. त्यातूनच या तक्रारदाराला गुन्ह्याचे तपास अधिकारी सहायक पोलीस निरीक्षक सपकाळे यांनी नोटीस बजावून सोडून दिले होते. नंतर या गुन्ह्यात आरोपी करण्याऐवजी साक्षीदार करण्यासाठी गायकवाड यांनी ५ लाख रुपयांच्या लाचेची मागणी केली. नंतर तडजोडीअंती १ लाख ५० हजार रुपयांची मागणी झाली.
दीड लाखाची रक्कम बिशप कॉलनी येथे स्वीकारताना अशोक गायकवाड यांना व नंतर सहायक उपनिरीक्षक राजेंद्र गायकवाड या दोघांना लाचलुचपत प्रतिबंधक विभागाच्या नाशिक पथकाने अटक केली. या दोघांनाही न्यायालयाने उद्यापर्यंत पोलीस कोठडीत ठेवण्याचा आदेश दिल्याची माहिती जिल्हा सरकारी वकील सतीश पाटील यांनी दिली.