पापरी गावातील शेतकरी सचिन भोसले यांनी अडीच एकरात मक्याची लागवड केली होती. मका लागवडीसाठी एकरी 40 ते 45 हजार रुपये खर्च केला होता. 45 डिग्री सेल्सिअस तापमानामध्ये मका पिकाची योग्य काळजी घेतली. मका पिकावर कोणताही रोग येऊ नये म्हणून सचिन भोसले यांनी वेळोवेळी फवारणी केली.परंतु वेळेआधी अवकाळी पाऊस आणि मान्सून धडकल्याने मका शेतीचे मोठ्या प्रमाणात नुकसान झाले आहे. या अवकाळी पावसामुळे अडीच एकरामध्ये लागवड केलेली मका चिखलमय झाली आहे.
advertisement
Unseasonal Rain : अवकाळी पाऊस, भेंडी उत्पादक शेतकरी संकटात, लाखोंचं झालं नुकसान, Video
अडीच एकरातून एक ते दीड लाख रुपये उत्पन्न मिळणार होतं. पण अवकाळी पावसामुळे सगळं पाण्यात गेलं. आता खर्चही अंगावर असल्याने आर्थिक अडचण निर्माण झालीये. सरकारने लवकरात लवकर पंचनामे करून नुकसान भरपाई द्यावी, अशी मागणी शेतकरी सचिन भोसले यांनी केलीये.
दरम्यान, सोलापूर जिल्ह्यात अवकाळी पावसामुळे शेतीचे मोठे नुकसान झाले आहे. मक्यासह कांदा, केळी आणि इतर पिकांनाही फटका बसला असून शेतकरी संकटात आहे.