भाजप बॅकफूटवर, विश्वजित कदम 'किंगमेकर'च्या भूमिकेत, पलूस-कडेगावात राजकीय समीकरणं बदलणार!

भाजपमध्ये अंतर्गत संघर्ष

एकीकडे काँग्रेसची ताकद वाढत असताना, भाजप मात्र या तालुक्यात बॅकफूटवर गेल्याचे दिसत आहे. माजी आमदार पृथ्वीराज देशमुख आणि जिल्हा परिषदेचे माजी अध्यक्ष संग्रामसिंह देशमुख या दोन बंधूंमध्ये निर्माण झालेली दरी हे यामागचे मुख्य कारण मानले जाते. परंतु दोघा बंधुंनी आता भाजपच्या संघटनवाढीसाठी सरसावले आहेत.

अन्य पक्षांची तयारी

advertisement

काँग्रेस आणि भाजपला पर्याय म्हणून राष्ट्रवादी काँग्रेस (शरदचंद्र पवार गट) युवा नेते शरद लाड यांनी तिसरा पर्याय तयार केला आहे. त्याचप्रमाणे, स्वाभिमानी आघाडी आणि शिवसेना (उद्धव बाळासाहेब ठाकरे गट) देखील आपली ताकद वाढवण्याच्या प्रयत्नात आहेत. भाजपमध्ये अंतर्गत संघर्ष सुरू असल्याने काँग्रेसला याचा फायदा होण्याची आशा आहे.

राजकीय समीकरणे बदलणार

या परिस्थितीत, शरद लाड यांनी पलूस-कडेगावमध्ये राष्ट्रवादीची पकड मजबूत करण्यासाठी प्रयत्न सुरू ठेवले आहेत. स्वाभिमानी आघाडीचे युवा नेते निलेश येसुगडे यांनी पलूस शहरावर लक्ष केंद्रित केले असून, मागील नगरपालिका निवडणुकीत त्यांना चांगले यश मिळाले होते. राष्ट्रवादी (अजित पवार गट) मध्ये प्रवेश केलेले प्रदीप कदम देखील या मतदारसंघात जोरदार तयारी करत आहेत. शिवसेनेचे (उद्धव गट) विनायक गोंदील आपला वेगळा गट तयार करण्याच्या प्रयत्नात आहेत. एकंदरीत, पलूस-कडेगाव तालुक्यात आगामी निवडणुकांमध्ये अनेक राजकीय समीकरणे बदललेली दिसतील अशी चिन्हे आहेत.

हे ही वाचा : Kolhapur Politics : कोल्हापूर मनपाच्या 'वॉर्डात' पुन्हा उत्साह; पण इच्छुकांच्या मनात आजही धास्ती, पण कसली? 

हे ही वाचा : Beed News : 'पेरलं कुणी, मशागत कुणी केली, बजरंग बाप्पा कापणीला आले', पंकजा मुंडेंचा टोला