ट्रांझेक्शन डिटेल्स लगेच तपासा
- तुम्ही चुकून चुकीच्या नंबरवर किंवा खात्यावर पैसे पाठवले असतील तर प्रथम तुमचे UPI अॅप Google Pay, PhonePe, Paytm, BHIM UPI उघडा. येथे ट्रांझेक्शन हिस्ट्रीमध्ये जा आणि डिटेल्स पहा.
- पैसे कोणत्या खात्यात गेले आहेत ते तपासा. पेमेंटचा व्यवहार आयडी UTR क्रमांक लक्षात ठेवा. यानंतर, UPI अ‍ॅपच्या कस्टमर सपोर्टशी त्वरित संपर्क साधा.
- प्रत्येक UPI अ‍ॅपमध्ये मदत किंवा ग्राहक सपोर्ट ऑप्शन असतो. तुम्ही तिथे जाऊन चुकीच्या व्यवहाराची तक्रार करू शकता. तुम्ही ट्रान्झॅक्शन आयडी टाकून तक्रार दाखल करू शकता. अॅप टीम रिसीव्हर बँकेशी संपर्क साधून पैसे परत मिळवण्याचा प्रयत्न करते.
advertisement
Post Office Scheme : RD एक फायदे अनेक! व्हाल लखपती, गरजेच्या वेळी लोनही मिळेल
तुमच्या बँकेशी संपर्क साधा
तुम्हाला अ‍ॅपवर उपाय मिळाला नाही, तर थेट तुमच्या बँकेच्या शाखेत जा किंवा कस्टमर केअर नंबरवर कॉल करा. बँकेला ट्रान्झॅक्शन आयडी आणि तारीख सांगा. बँक रिसीव्हर बँकेला चुकीचे पेमेंट परत करण्यासाठी विनंती पाठवेल.
NPCIकडे तक्रार दाखल करा
यूपीआय एनपीसीआय (नॅशनल पेमेंट्स कॉर्पोरेशन ऑफ इंडिया) द्वारे चालवले जाते. जर तुम्हाला बँक आणि अॅप दोघांकडून मदत मिळाली नाही, तर तुम्ही एनपीसीआय वेबसाइटवर जाऊन तक्रार दाखल करू शकता. जर रक्कम मोठी असेल, तर तुम्ही जवळच्या पोलिस सायबर क्राइम सेलकडे तक्रार करू शकता. तुमच्याकडे पेमेंट स्क्रीनशॉट, ट्रान्झॅक्शन आयडी आणि अॅप डिटेल्स असले पाहिजेत. पोलिस आणि बँका एकत्र पैसे वसूल करण्याचा प्रयत्न करू शकतात.
स्वतःचा व्यवसाय सुरु करायचाय? जाणून घ्या सरकार कोणती लोन सुविधा देते
या गोष्टी लक्षात ठेवा
पैसे पाठवण्यापूर्वी अकाउंट नंबर/मोबाइल नंबर नेहमी दोनदा तपासा. क्यूआर कोड स्कॅन करताना, रिसीव्हरचे नाव बरोबर आहे की नाही याची खात्री करा. जर तुम्ही चुकून पैसे पाठवले तर त्वरित कारवाई करा. विलंबामुळे पैसे परत मिळणे कठीण होऊ शकते.