महाराष्ट्रातून होणार दुसरी ‘बुलेट ट्रेन’, प्लॅन ठरला, कुठून कुठं धावणार? प्रवासाचा वेळ किती?

मुंबई-पुणे 48 मिनिटांत

महाराष्ट्रासाठी मुंबई–पुणे हायस्पीड रेल कॉरिडॉर गेमचेंजर ठरणार आहे. या मार्गावरील 170 किलोमीटरचा प्रवास केवळ 48 मिनिटांत पूर्ण होणार आहे. सध्या रस्ता किंवा रेल्वेमार्गे तीन ते चार तास लागणारा हा प्रवास भविष्यात निम्म्याहून कमी वेळेत पार पडणार आहे.

मुंबई–पुणे प्रवास आता अवघ्या 48 मिनिटांत; अतिजलद ट्रेनबद्दल महत्त्वाची माहिती समोर

मुंबई आणि पुणे ही महाराष्ट्राची आर्थिक, औद्योगिक व शैक्षणिक केंद्रे मानली जातात. या दोन शहरांदरम्यान हायस्पीड रेल्वे सुरू झाल्यास उद्योग, आयटी, शिक्षण, पर्यटन आणि रोजगार क्षेत्राला मोठी चालना मिळणार आहे. प्रवास अधिक जलद, सुरक्षित आणि पर्यावरणपूरक होणार असल्याने कार्बन उत्सर्जनातही लक्षणीय घट होण्याची अपेक्षा आहे.

पुणे-हैदराबाद प्रवास 1 तास 55 मिनिटांत

मुंबई-पुणे-हैदराबाद या 767 किमीच्या प्रकल्पामुळे ताशी 220 ते 350 किमीने प्रवास होईल. या संपूर्ण मार्गावर 11 थांबे असतील. पुणे-हैदराबाद दरम्यान ही बुलेट ट्रेन जवळपास 550 किलोमीटरचे अंतर अवघ्या 1 तास 55 मिनिटांत पार करेल. यामुळे महाराष्ट्र आणि तेलंगणामधील आर्थिक व औद्योगिक संबंध अधिक बळकट होतील.

विक्रमी आर्थिक तरतूद

अर्थसंकल्पात रेल्वे क्षेत्रासाठी 2.77 लाख कोटी रुपयांची विक्रमी तरतूद करण्यात आली आहे. आर्थिक वर्ष 2026-27 साठी रेल्वे मंत्रालयाला 2,77,830 कोटी रुपये भांडवली खर्चासाठी मंजूर करण्यात आले आहेत. यामध्ये मोठा खर्च कर्मचाऱ्यांच्या पेन्शनवर होत असून 2024–25 मधील 58,844 कोटी रुपयांचा पेन्शन खर्च 2026–27 मध्ये सुमारे 74,500 कोटी रुपयांपर्यंत वाढण्याची शक्यता आहे.

टॉप व्हिडीओज

सर्व पहा

कांद्याच्या दरात घट, सोयाबीन आणि कापसाला आज काय मिळाला भाव? इथं चेक करा

सर्व पहा

दरम्यान, सध्या अहमदाबाद–मुंबई हायस्पीड रेल्वे प्रकल्पाचे काम प्रगतिपथावर आहे. त्यानंतर मुंबई–पुणे-हैदराबाद हा देशातील महत्त्वाच्या हायस्पीड रेल्वे मार्गांपैकी एक ठरणार आहे. हायस्पीड रेल्वे प्रकल्पांमुळे भारताच्या वाहतूक व्यवस्थेला नवी दिशा मिळणार असून महाराष्ट्र या बदलाचा प्रमुख लाभार्थी ठरणार आहे.