TRENDING:
मुंबईतील लोकमान्य टिळक टर्मिनस ते गोव्यातील मडगाव दरम्यान ही विशेष ट्रेन चालवली जाणार आहे. आज आपण या विशेष एक्स्प्रेस ट्रेनचे संपूर्ण वेळापत्रक आणि ही गाडी कोणकोणत्या स्थानकावर थांबा घेणार आहे? याबाबत सविस्तर माहिती घेऊ.
Mumbai-Goa Highway: आता सुस्साट सुटायचं! मुंबई - गोवा महामार्ग वर्षअखेर होणार खुला, कशेडी घाटात..
कसं असणार वेळापत्रक ?
advertisement
मध्य रेल्वे मार्गावर मडगाव ते लोकमान्य टिळक टर्मिनस अर्थातच एलटीटी दरम्यान विशेष गाडी चालवली जाणार आहे. गाडी क्रमांक 01104 ही स्पेशल गाडी मडगावहून 16 मार्च 2025 आणि 23 मार्च 2025 रोजी दुपारी साडेचार वाजता रवाना होणार आहे. तसेच, परतीच्या प्रवासात गाडी क्रमांक 01103 ही स्पेशल गाडी लोकमान्य टिळक टर्मिनस अर्थात एलटीटीहून 17 मार्च 2025 आणि 24 मार्च 2025 रोजी सकाळी आठ वाजून वीस मिनिटांनी रवाना होणार आहे, अशी माहिती मध्य रेल्वेकडून देण्यात आलीये.
कोण कोणत्या स्थानकावर थांबा?
मध्य रेल्वे मार्गावर चालवल्या जाणाऱ्या या विशेष एक्सप्रेस ट्रेनला दोन्ही दिशेने 19 महत्त्वाच्या रेल्वे स्थानकावर थांबा मंजूर करण्यात आला आहे. ही गाडी करमाळी, थिविम, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापूर रोड, विलवडे, आडवली, रत्नागिरी, संगमेश्वर रोड, चिपळूण, खेड, माणगाव, रोहा, पेण, पनवेल आणि ठाणे या स्थानकांवर थांबणार आहे, अशी माहिती मध्य रेल्वेच्या अधिकाऱ्यांनी दिली.
दरम्यान, या विशेष एक्सप्रेस ट्रेनमुळे या मार्गावर प्रवास करणाऱ्या प्रवाशांना मोठा दिलासा मिळणार असून मुंबई ते गोवा हा प्रवास सणासुदीच्या काळात सुपरफास्ट होणार आहे.