सर्वात महत्त्वाचा पुरावा : 13 ऑक्टोबर 1967 पूर्वीची नोंद
कुणबी दाखला मिळवण्यासाठी तुमच्याकडे तुमच्या रक्ताच्या नात्यातील कुणीतरी 'कुणबी' असल्याचा ठोस पुरावा असणे बंधनकारक आहे. शासनाच्या नियमांनुसार, 13 ऑक्टोबर 1967 रोजी किंवा त्यापूर्वी जन्मलेल्या तुमच्या कोणत्याही रक्तनातेवाईकाच्या (उदा. वडील, आजोबा, पणजोबा, चुलते, आत्या) जातीची नोंद 'कुणबी' असणे आवश्यक आहे. यासाठी तुम्हाला तुमच्या कुटुंबाची वंशावळ तयार करावी लागेल, जेणेकरून नातेसंबंध सिद्ध करणे सोपे होईल.
advertisement
आवश्यक कागदपत्रांची जुळवाजुळव
- शैक्षणिक पुरावे : अर्जदाराचा आणि ज्यांच्या नावाची नोंद आहे त्या नातेवाईकाचा शाळा सोडल्याचा दाखला किंवा बोनाफाईड सर्टिफिकेट (जन्मतारीख व जन्मस्थानाचा उल्लेख आवश्यक).
- ओळखपत्र : अर्जदाराचे आधार कार्ड, मतदान ओळखपत्र, पॅन कार्ड किंवा ड्रायव्हिंग लायसन्स.
- पत्त्याचा पुरावा : रेशन कार्ड, लाइट बिल, मिळकत कर पावती, 7/12 किंवा 8 अ उतारा, घरपट्टी, पाणीपट्टीची प्रत.
- अर्ज : विहित नमुन्यातील अर्ज, ज्यावर 10 रुपयांचा कोर्ट फी स्टॅम्प आणि अर्जदाराचा फोटो लावलेला असावा.
- शपथपत्र : 100 रुपयांच्या स्टॅम्प पेपरवर स्वतःच्या आणि नातेवाईकाच्या कुणबी जातीबद्दलचे शपथपत्र.
जुने पुरावे कुठे आणि कसे शोधाल?
- कोतवाल बुक / गाव नमुना नं. 14 : स्वातंत्र्यपूर्व काळात गावातील कोतवालाकडे जन्म-मृत्यूच्या नोंदी जातीसह ठेवल्या जात होत्या. या नोंदी तहसील कार्यालयात मिळतात. तुमच्या नातेवाईकाचा जन्म किंवा मृत्यू ज्या गावात झाला आहे, त्या तहसील कार्यालयात अर्ज करून या नोंदीची नक्कल मिळवा.
- महसुली कागदपत्रे : तुमच्या पूर्वजांच्या नावावरील जुने 7/12, 8 अ उतारे, वारस नोंदी, खरेदीखत, भाडेपट्टा किंवा इतर महसुली कागदपत्रांमध्ये जातीचा उल्लेख 'कुणबी' आहे का, हे तपासा.
- जातपडताळणी प्रमाणपत्र : जर तुमच्या रक्ताच्या नात्यातील एखाद्या व्यक्तीचे कुणबी जात प्रमाणपत्र छाननी समितीने यापूर्वीच वैध ठरवले असेल, तर ते प्रमाणपत्रही एक महत्त्वाचा पुरावा म्हणून ग्राह्य धरले जाते.
विशेष सूचना : खोटी कागदपत्रे सादर करून कुणबी प्रमाणपत्र (How to get 'Kunbi' certificate?) मिळवणे हा गंभीर गुन्हा आहे. असे केल्यास मिळालेले सर्व लाभ काढून घेतले जातात आणि कायदेशीर कारवाईलाही सामोरे जावे लागते. त्यामुळे केवळ कायदेशीर मार्गाचाच अवलंब करा.
हे ही वाचा : Aajache Rashibhavishya: संकट सुद्धा संधीत बदलेल, गुरुवारी 7 राशींचं नशीब चमकेल, मेष ते मीन आजचं राशीभविष्य
हे ही वाचा : कृषी हवामान : शेतकऱ्यांनो! आता सुट्टी नाही, तुफान पाऊस पडणार, या जिल्ह्यांना हाय अलर्ट, पिकांसाठी उपाययोजना काय?