फिटनेससाठी डाएट प्लॅन
रोहित शर्माचा डाएट प्लॅन हा त्याच्या फिटनेससाठी खूप महत्त्वाचा आहे. त्याच्या डाएटची सुरुवात सकाळी ७:०० वाजता होते, त्यावेळी तो ६ भिजवलेले बदाम, अंकुरलेले सॅलड आणि ताज्या फळांचा रस पितो. सकाळी ९:३० वाजताच्या नाश्त्यामध्ये फळांसोबत ओटमील आणि एक ग्लास दूध घेतो, ज्यामुळे त्याला दिवसभरासाठी ऊर्जा मिळते.
advertisement
दुपारच्या जेवणात काय काय?
दुपारच्या जेवणाआधी सकाळी ११:३० वाजता तो दही, चिल्ला आणि नारळपाणी घेतो. यामुळे शरीरातील पाण्याची पातळी चांगली राहते. दुपारी १:३० वाजताच्या जेवणात ताज्या भाज्या आणि वरण-भात यांचा समावेश असतो, जे संतुलित आहाराचे उत्तम उदाहरण आहे.
रात्री हलका पण पौष्टिक आहार
संध्याकाळी ४:३० वाजता रोहित फ्रूट स्मूदी आणि ड्रायफ्रुट्स खातो, ज्यामुळे त्याला पुन्हा ताजेतवाने वाटते. रात्री ७:३० वाजताच्या जेवणात तो भाज्यांसोबत पनीर, पुलाव आणि भाज्यांचे सूप घेतो, जो एक हलका पण पौष्टिक आहार आहे. रात्री ९:३० वाजता एक ग्लास दूध आणि मिक्स्ड नट्स घेऊन तो आपला दिवसभराचा डाएट पूर्ण करतो. अशाप्रकारे, रोहित शर्माचा डाएट प्लॅन हा त्याच्या आरोग्याची आणि फिटनेसची काळजी घेणारा आहे.
दरम्यान, रोहित शर्माने याआधी देखील आपलं वजन कमी करून दाखवलं होतं. आता तो पुन्हा फिट झालाय. अनेक नेटकरी रोहित शर्माला त्याच्या वजनावरून ट्रोल करत असतात. मात्र, रोहितने पुन्हा एकदा स्वत:ला सिद्ध केलंय.