अद्भुत! 'या' मूलांकाच्या लोकांकडे असते भविष्य पाहण्याची शक्ती, आधीच देतात घडणाऱ्या घटनांचे संकेत

अंकशास्त्रानुसार, प्रत्येक अंकाचा संबंध एका विशिष्ट ग्रहाशी असतो, जो त्या व्यक्तीच्या स्वभावावर आणि क्षमतेवर परिणाम करतो. काही विशिष्ट तारखांना जन्मलेल्या व्यक्तींकडे निसर्गतःच एक विलक्षण शक्ती असते, ज्याला आपण 'तिसरा डोळा' किंवा 'सिक्स्थ सेन्स' म्हणतो.

अंकशास्त्रज्ञांच्या मते, मूलांक 7 असलेल्या व्यक्तींकडे भविष्यात घडणाऱ्या घटनांचा अंदाज घेण्याची अफाट क्षमता असते. ज्यांचा जन्म कोणत्याही महिन्याच्या 7, 16 किंवा 25 तारखेला झाला आहे, त्यांचा मूलांक 7 असतो. या मूलांकाचा स्वामी 'केतू' ग्रह आहे, जो अध्यात्म आणि गूढ विद्येचा कारक मानला जातो.

अद्भूत अंतर्ज्ञान: मूलांक 7 च्या व्यक्तींना भविष्यात काय घडणार आहे, याचे संकेत स्वप्नांच्या माध्यमातून किंवा अचानक मनात येणाऱ्या विचारांतून मिळतात. एखादी वाईट घटना घडण्यापूर्वीच त्यांना अस्वस्थ वाटू लागते, ज्याला आपण 'गट फीलिंग' म्हणतो.

खोटे बोलणाऱ्यांची लगेच ओळख: या लोकांसमोर खोटे बोलणे कठीण असते. हे लोक समोरच्या व्यक्तीचा चेहरा वाचण्यात पटाईत असतात. समोरची व्यक्ती फसवणूक करत असेल, तर त्यांना त्याची लगेच जाणीव होते.

स्वभावाने गूढ आणि शांत: या व्यक्ती सहसा अंतर्मुख असतात. त्या त्यांचे विचार कोणाशीही सहज शेअर करत नाहीत. त्यांच्या मनात काय चालले आहे, याचा अंदाज लावणे कठीण असते.

विश्लेषणात्मक बुद्धी: कोणत्याही गोष्टीच्या मुळाशी जाणे हा यांचा स्वभाव असतो. हे लोक केवळ ऐकीव गोष्टींवर विश्वास ठेवत नाहीत, तर स्वतःच्या अनुभवावर आणि संशोधनावर विश्वास ठेवतात.

इतरांना सावध करण्याची शक्ती: अनेकदा या व्यक्ती आपल्या जवळच्या लोकांना येणाऱ्या संकटाबद्दल आधीच सावध करतात. त्यांनी दिलेला सल्ला किंवा वर्तवलेला अंदाज बहुतेक वेळा खरा ठरतो, ज्यामुळे त्यांना 'फ्युचरिस्ट' म्हटले जाते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)