Astrology 2026: शनी अस्ताला गेला की या राशींचे हाल! 13 मार्चपासून पुढे 35 दिवस अलर्ट मोडवर राहा, अन्यथा..

सध्याच्या ज्योतिषीय गणनेनुसार, 13 मार्च 2026 रोजी शनि मीन राशीत अस्त होणार असून तो सुमारे 35 दिवस म्हणजेच 17 एप्रिल 2026 पर्यंत याच अवस्थेत राहील. या काळात काही राशींना आव्हानांचा सामना करावा लागू शकतो, शनी स्वामी असलेल्या राशीच्या लोकांनी अधिक सावध राहणे गरजेचे आहे. शनीच्या अस्ताचा या तीन राशींवर होणारा परिणाम थोडक्यात समजून घेऊ.

तूळ - तूळ राशीत शनीला उच्च स्थान मानले जाते, त्यामुळे या राशीवर शनीचा प्रभाव नेहमीच जास्त असतो. शनि अस्त झाल्यामुळे अचानक खर्चात वाढ होऊ शकते, ज्यामुळे तुमचे आर्थिक बजेट बिघडण्याची शक्यता आहे. पैशांच्या व्यवहारात खूप सावधगिरी बाळगा.

येणाऱ्या 35 दिवसांमध्ये तूळ राशीच्या लोकांनी इतरांशी बोलताना आपल्या शब्दांवर ताबा ठेवा, अन्यथा गैरसमज निर्माण होऊन नात्यात दुरावा येऊ शकतो. या काळात शनिवारी मोहरीच्या तेलाचे दान करणे तुमच्यासाठी फायदेशीर ठरेल.

मकर - मकर राशीचा स्वामी स्वतः शनिदेव आहेत, त्यामुळे शनीच्या अस्ताचा थेट परिणाम या राशीवर दिसून येईल. या काळात तुमच्या कामात आत्मविश्वासात असणार नाही, कामात लक्ष लागणार नाही. या राशीच्या कोणाचे एखादे न्यायालयीन प्रकरण सुरू असेल, तर त्यात विलंब किंवा अडचणी वाढू शकतात.

या 35 दिवसांच्या काळात मकर राशीच्या लोकांनी आर्थिक बाबतीत काळजी घ्यावी, कोणालाही उधार देणे किंवा घेणे टाळा. नोकरी शोधणाऱ्यांना अपेक्षित यश मिळवण्यासाठी अधिक मेहनत करावी लागेल. या काळात दररोज हनुमान चालीसा वाचणे शुभ राहील.

कुंभ - कुंभ राशीचा स्वामी देखील शनि असल्याने या राशीच्या लोकांसाठी हा काळ परीक्षेचा असू शकतो. करिअर आणि व्यवसायाशी संबंधित कोणतेही निर्णय घाईत घेऊ नका, अन्यथा नुकसान होऊ शकते. या काळात तुमचा स्वभाव थोडा चिडचिडा किंवा कठोर होण्याची शक्यता आहे, ज्याचा परिणाम तुमच्या कौटुंबिक आणि वैवाहिक नात्यावर होईल.

कुंभ राशीच्या लोकांनी पैशांच्या बाबतीत केलेली थोडीशी निष्काळजी मोठी महागात पडू शकते. उपाय म्हणून काळ्या कुत्र्याला भाकरी किंवा बिस्किटे खायला दिल्यास शनीचा अशुभ प्रभाव कमी होण्यास मदत होईल.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)