मराठी अभिनेत्याला वर्षाच्या सुरुवातीलाच लॉटरी, नव्या घरासह घेतली आलिशान कार, पाहा PHOTOS

मराठी मनोरंजनसृष्टीतील लोकप्रिय अभिनेते अभिजीत चव्हाण यांनी नवीन वर्षाच्या सुरुवातीलाच नवीन घर आणि गाडी विकत घेतील आहे. सोशल मीडियाच्या माध्यमातून त्यांनी चाहत्यांना आनंदाची बातमी दिली आहे.

अभिजीत चव्हाण यांनी नव्या गाडीचा व्हिडीओ सोशल मीडियावर शेअर केला आहे. नव्या घरासह त्यांनी 33 लाख रुपयांची महिंद्रा xev9s इलेक्ट्रिक कार विकत घेतली आहे.

अभिजीत चव्हाण यांच्यावर सध्या चाहत्यांकडून अभिनंदनाचा वर्षाव होत आहे. त्यांच्या व्हिडीओवर चाहते कमेंट्स करत त्यांना नव्या कारसाठी आणि घरासाठी शुभेच्छा देत आहेत.

अभिजीत चव्हाण यांनी नव्या कारसोबतचा व्हिडीओ शेअर करत कॅप्शनमध्ये लिहिलं आहे,"मागचं वर्ष फारसं चांगलं गेलं नाही. त्यामुळे मला आता स्वत:साठी नवीन घर आणि गाजी घेऊन स्वत:चे लाड पुरवून घ्यायचे आहेत. गणपती बाप्पा मोरया".

अभिजीत चव्हाण गेल्या अनेक वर्षांपासून मालिका, चित्रपट आणि नाटकांच्या माध्यमातून प्रेक्षकांच्या भेटीला येत आहेत. अभिजीत सध्या स्टार प्रवाहवरील 'मुरांबा' या मालिकेत भूमिका साकारत आहेत.

अभिजीत चव्हाण यांच्या 'तरुण तुर्क म्हातारे अर्क' या नाटकालाही प्रेक्षकांचा उत्तम प्रतिसाद मिळत आहे. तसंच ते सोशल मीडियावर देखील विशेष सक्रिय असतात.

अभिजीत चव्हाण अनेकदा संतोष जुवेकर, कुशल बद्रिके, विजू माने या त्यांच्या जिगरी मित्रांसोबत व्हिडिओ सोशल मीडियावर शेअर करत असतात.