Bigg Boss Marathi 6 च्या घरात आले पाहुणे; एक नाही तर दोन, ते आहेत कोण?

बिग बॉस मराठी 6 च्या घरात आजवर अनेक दरवाजे उघडले, आता खिडक्याही उघडण्यात आल्या आहेत. बिग बॉस मराठीच्या घरातील हा सगळ्यात मोठा ट्विस्ट आहे.

या खिडक्यांमधून संकटं, पाहुणे काहीही येऊ शकतं, असं बिग बॉसने सांगितलं होतं. अखेर या खिडक्यांमधून बिग बॉसच्या घरात पाहुण्यांचं आगमन झालं आहे.

बिग बॉसच्या घरात पाहुणे आले आहेत, तेही एक नाही तर दोन-दोन. आता पाहुणे म्हणजे वाइल्ड कार्ड एंट्री तर नाही ना? असा प्रश्न तुम्हाला पडला असेल.

नाही. बिग बॉसच्या घरातील हे पाहुणे म्हणजे वाइल्ड कार्ड एंट्री नाही. मग ते पाहुणे कोण हे जाणून घेण्याची उत्सुकता तुम्हाला असेल. तर ते पाहुणे म्हणजे मांजर आणि ससा.

मांजर आणि ससा, खरेखुरे नाहीत बरं का! सॉफ्ट टॉइज. या मांजर आणि सशांच्या मार्फत बिग बॉस मराठीच्या घरातील सदस्य एकमेकांना टोमणे मारताना दिसत आहेत.