Bigg Boss marathi 6 च्या घरात तुफान राडा! 'बीबी फार्म' टास्कदरम्यान विशाल-ओमकारमध्ये हाणामारी

कलर्स मराठीवरील बिग बॉस मराठीच्या सहाव्या पर्वाचा पहिलाच आठवडा सदस्यांनी चांगलाच गाजवत आहेत. टास्क जिंकण्यासाठीची चढाओढ आणि नॉमिनेशन टास्कमध्ये सगळ्यांचे खरे रंग समोर आलेत.

पहिल्याच आठवड्यात घराबाहेर जाण्यासाठी प्रभू शेळके, दीपाली सय्यद, कारण सोनावणे, दिव्या शिंदे, सागर कारंडे, रोशन भजनकर, अनुश्री माने, राधा पाटील, रुचिता जामदार हे 9 सदस्य नॉमिनेट झाले आहेत.

आजच्या भागात घरात कॅप्टन्सी टास्क पार पडणार आहे. दरम्यान या टास्कमध्ये चांगलीच हाणामारी झालेली पाहायला मिळणार आहे. सदस्यांनी टास्कसाठी थेट एकमेकांचे गळे पडकल्याचं दिसतंय.

 पहिल्या आठवड्यात कॅप्टन्सीसाठी 'बीबी फार्म' हा टास्क पार पडणार आहे ज्यात समर्थकांमध्ये झुंज पाहायला मिळणार आहे.

या टास्कसाठी स्पर्धकांची दोन गटांत विभागणी करण्यात येणार आहे. शेतातील कापूस आणि इतर मालमत्ता जमा करण्याच्या या खेळात स्पर्धकांनी सर्व मर्यादा ओलांडल्याचे पाहायला मिळाले.

दुखापत आणि ड्रामा हे तर टास्क म्हंटल म्हणजे आलचं. प्रोमोमध्ये दिसल्याप्रमाणे, विशाल आणि ओमकार यांच्यात झटापट झाली. विशालने ओमकारचा गळा पडकल्याचंही दिसतंय. 

नॉमिनेशन प्रक्रियेत घरातील 9 सदस्यांवर इविक्शनची टांगती तलवार आली आहे. या प्रक्रियेत स्पर्धकांनी एकमेकांवर गंभीर आरोप करत एकमेकांना नॉमिनेट केले. नॉमिनेटेड सदस्य यांमध्ये कोण टिकणार आणि कोण बाहेर पडणार हे कळेलच.

त्याचप्रमाणे विशाल आणि ओमकार यांच्यात झालेल्या हाणामारीवर बिग बॉस काय निर्णय घेणार? इतकंच नाही तर विकेंडला भाऊच्या धक्क्यावर भाऊ काय शाळा घेणार याकडेही सर्वांचं लक्ष लागून आहे.