सचिन तेंडुलकरच्या प्रेमात होती मराठी सुपरस्टारची बायको, प्रपोजही करणार होती पण... 

क्रिकेटचा देव सचिन तेंडुलकरचं क्रिकेट प्रेम आजही अनेकांच्या मनावर राज्य करतं. सचिन तेंडुलकरने त्याच्या खेळातून तर जगाचं लक्ष वेधलं पण त्याच्या दिसण्यावरही अनेक तरुणी आजही फिदा आहेत. सचिनचा फिटनेस, त्याचे लुक्स हे आजही सगळ्यांचं लक्ष वेधून घेतलं. 

एका प्रसिद्ध मराठी सुपरस्टारची बायको सचिन तेंडुलकरच्या प्रेमात होती. तिला सचिनला प्रपोज करायचं होतं, पण ते शक्य झालं नाही. सुपरस्टारची बायको आजही प्रसिद्ध अभिनेत्री आहे. आजही तिला सचिन तेंडुलकर प्रचंड आवडतो. सचिनने तिच्या 90 कोटींच्या सिनेमाचं कौतुक देखील केलं होतं. अभिनेत्री सचिनबरोबर व्हिडीओ कॉलवर बोलली होती. कोण आहे अभिनेत्री? 

क्रिकेटवर सचिन तेंडुलकरवर फिदा असलेल्या अनेक तरुणी आहेत. त्यातली एक तरुणी म्हणजे मराठी सुपरस्टार अंकुश चौधरी बायको अभिनेत्री दीपा परब. कॉलेजला जाण्याच्याआधी पासून दीपाला सचिन तेंडुलकर प्रचंड आवडत होता. 

एका मुलाखतीत बोलताना दीपाने सचिन तेंडुलकरवर असलेल्या तिच्या प्रेमाची कबुली दिली होती. लोकमत फिल्मीशी बोलताना कोणत्या मुलाला प्रपोज केलं आहे का? असा प्रश्न विचारला असताना दीपा म्हणाली, "नाही मुलाने मला प्रपोज केलंय. मला ज्या मुलाला प्रपोज करायचं होतं त्याला मी करू शकले नाही. सचिन माझा पहिला क्रश होता."

"माझ्या नवऱ्याने एक शो घेतला होता. तो डायरेक्ट केला होता. तो माझ्यासाठी केला होता. त्यात सचिन तेंडुलकर सेलिब्रेटी होते. तो माझ्या बाजूला बसला होता, त्यामुळे मी खूप खुश होते."

दीपाने पुढे सांगितलं, "माझा पहिला क्रश सचिन तेंडुलकर. त्यानंतर कॉलेजमध्ये गेल्यावर अंकुश चौधरी. मला सचिन तेंडुलकरला प्रपोज करायचं होतं. पण मी कुणाला प्रपोज करण्याच्या आधीच अंकुशनं मला प्रपोज केलं होतं. आणि मी 24 तासाच्या आत त्याला हो म्हणाली. त्यामुळे मी ज्या माणसावर प्रेम केलं त्याच्याशीच लग्न केलं."

दीपा परबचा 'बाईपण भारी देवा' हा सिनेमा रिलीज झाला. सिनेमाल उत्तम प्रतिसाद मिळाला. सिनेमाच्या एका शोला सचिन तेंडुलकरनं हजेरी लावली होती. पण यावेळी दीपा तिथे उपस्थित नव्हती. तिनं व्हिडीओ कॉलवरून सचिन तेंडुलकरशी संवाद साधला होता.