Actress Death : ना अपघात ना हार्ट अटॅक, 23 वर्षीय अभिनेत्रीचा अचानक मृत्यू; नेमकं झालं काय?

दिवाळीच्या दिवसांत जवळपास चार कलाकारांचं निधन झालं. त्यांच्या निधनाने संपूर्ण इंडस्ट्री हळहळली. अशातच आता आणखी एका अभिनेत्रीच्या निधनाची माहिती समोर आली आहे.

वयाच्या 23 व्या वर्षी अभिनेत्रीनं या जगाचा निरोप घेतला आहे. तिच्या निधनाची माहिती मिळताच तिच्या चाहत्यांना मोठा धक्का बसला आहे.

इसाबेल टेट असं अभिनेत्री नाव असून ती हॉलिवूडची फेमस अभिनेत्री होती. '9-1-1: नॅशविले' या फेमस सीरिजमधून इसाबेल टेट ही लोकप्रिय झाली होती. 19 ऑक्टोबर रोजी वयाच्या अवघ्या 23व्या वर्षी तिने जगाचा निरोप घेतला.

टॅलेंट एजन्सी मॅकक्रॅ एजन्सी इसाबेल टेटच्या निधनाची माहिती दिली आहे. इसाबेल टेटचा मृत्यू Charcot-Marie-Tooth (CMT) या दुर्मिळ न्यूरोलॉजिकल आजारामुळे झाला आहे.

हा आजार स्नायूंना नियंत्रित करणाऱ्या नसांवर परिणाम करतो. वयाच्या 13व्या वर्षी अभिनेत्रीला हा आजार असल्याचं समजलं होतं. तेव्हापासून तिच्यावर उपचार सुरू होते.

ती फार लहान वयापासून या आजाराशी झुंज देत होती. पण अखेर तिची ती झुंज अपयशी ठरली.

इसाबेलनं 2022 साली इन्स्टाग्रामवर तिच्या आजाराबद्दल खुलासा केला होता. तिने लिहिलं होतं की, माझी प्रकृती बिघडत चालली आहे, आणि मला कधीही व्हीलचेअर वापरावी लागू शकते.