वडिलांनी पाइपानं मारलं, शरीर काळनिळ पडलं; प्रसिद्ध मराठी अभिनेत्रीची Love Story सैराटपेक्षा कमी नाही

सैराट सिनेमा रिलीज होऊन आता 10 वर्ष लोटली आहेत. मात्र आजही अनेक ठिकाणी सैराट सारख्या अनेक घटना ऐकायला मिळतात. जातीमुळे अनेक प्रेमी युगुलांनी आपलं आयुष्य गमावलं. प्रसिद्ध मराठी अभिनेत्रीची लव्ह स्टोरी देखील सैराटपेक्षा कमी नाहीये.

प्रेमाला जात ना धर्म... असं म्हणतात. पण आजही अनेक ठिकाणी प्रेमात जातपात मध्ये आल्याचं पाहायला मिळलं. प्रसिद्ध मराठी अभिनेत्रीचं एका मुलावर प्रेम जडलं पण कुटुंबाने याच गोष्टीमुळे आजपर्यंत तिचं नातं मान्य केलं नाही.

सहकुटुंब सहपरिवार या मालिकेतून लोकप्रिय झालेली अभिनेत्री कोमल कुंभार हिच्याविषयी आपण बोलतो. कोमलने काही महिन्यांआधीच लग्न केलं. पण हे कोमलचं गोकुळसोबतच दुसरं लग्न होतं. त्यांनी कुटुंबाच्या भीतीनं 2019 मध्येच कोर्ट मॅरेज केलं होतं. त्यानंतर काय घडलं हे कोमल आणि गोकुळ यांनी नुकतंच एका मुलाखतीत सांगितलं.

कोमल आणि गोकुळची लव्ह स्टोरी ही सैराटपेक्षा कमी नाहीये. लग्नापर्यंत पोहोचण्यासाठी तिला घरच्यांचा तीव्र विरोध, मारहाण आणि मानसिक छळ सहन करावा लागला. कॉलेजमध्ये असताना एकांकिकेच्या निमित्तानं कोमल आणि गोकुळ नकळत एकमेकांच्या प्रेमात पडले. जातीमुळे घरचे विरोध करणार या भीतीने कोणालाही न सांगता त्यांनी लग्न रजिस्टर केलं.

कोमलला अभिनय क्षेत्रात करिअर करायचं होतं. गोकुळने तिला या सगळ्यात खूप मोठा सपोर्ट केला. घरच्यापासून लपून तिनं सहकुटुंब सहपरिवार मालिकेसाठी ऑडिशन दिली त्यात ती सिलेक्ट झाली. पण घरच्यांनी कळताच त्यांनी तिला विरोध केला. याच दरम्यान कोमल आणि गोकुळचं लग्न झाल्याचं तिच्या घरच्यांना कळलं.

कोमलच्या घरचे सुरुवातीला गोकुळसोबत तिचं लग्न लावून देण्यासाठी तयार नव्हते. इतकंच नव्हे तर अभिनय क्षेत्रात करिअर करण्यालाही तिच्या घरच्यांचा विरोध होता. मात्र, स्वप्नं उराशी बाळगून आणि प्रेमावर ठाम विश्वास ठेवत कोमल घरच्यांचा विरोध पत्करून मुंबईत आली.

कोमल म्हणाली, "मला घरच्यांनी त्रास दिला नाही, पण  सतत म्हणायचे, मुलगा बघू. मुलगा बघायला येत होता, सगळं नीट होतं. माझ्या वडिलांनी मला तळहाताच्या फोडासारखं जपलं आहे.”

कोमल खोटं बोलून मुंबईत मालिकेच्या ऑडिशनसाठी आली तेव्हा तिच्या आईला संशय आला. कोमल म्हणाली, "आईने मला विचारलं, ‘तुझं बाहेर कुणासोबत आहे का?’ मी ‘हो’ म्हटलं. मला सांगायचं नव्हतं, पण त्या दिवशी प्रेमातली ताकद कळली."

कोमलने प्रेमाची कबूली दिल्यानंतर तिच्या मामाने तिच्या वडिलांनी सांगितलं. तिच्या वडिलांनी तिला मोठ्या पाइपनं मारलं. तिला इतकं मारलं की तिचे हात आणि पाठ अक्षरश: काळी निळी पडली होती.

हा प्रसंग सांगताना गोकुळ म्हणाला, "तिला वेड्यासारखं मारलं होतं. अंगावर वळ उठले होते आणि त्याच दिवशी तिला पाळीही आली होती." याच वेळी कोमलच्या घरच्यांनी तिला गोकुळसोबत पाठवून द्यायचं ठरवलं. कोमल घर सोडून गोकुळकडे आली. दोघेही मुंबईत मित्राच्या खोलीत राहू लागले.

काळं निळं पडलेलं शरीर आणि अशाच अवस्थेत कोमलने सहकुटुंब सहपरिवार मालिकेचा पहिला प्रोमो शूट केला होता. 2019 पासून कोमल आणि गोकुळ मुंबईत एकत्र राहत आहेत. 2025 मध्ये गोकुळ त्यांनी विधीवत लग्न करण्याचा निर्णय घेतला.