कोण आहे Malaika Arora चा 'मिस्ट्री मॅन', अर्जुननंतर नव्या नात्याची सुरुवात करतेय अभिनेत्री?

बॉलिवूड अभिनेत्री मलायका अरोरा पुन्हा एकदा आपल्या वैयक्तिक आयुष्यामुळे चर्चेत आहे. नुकतंच एका मुलाखतीत तिने तिच्यासोबत दिसलेल्या 'मिस्ट्री मॅन' बाबत खुलासा केला आहे.

अर्जुन कपूरसोबतच्या ब्रेकअपनंतर मलायका अरोराच्या आयुष्यात एका नव्या व्यक्तीची एन्ट्री झाली असल्याच्या चर्चांना सुरुवात झाली होती. पण आता मलायकाने या मिस्ट्री मॅन बाबत आणि त्याच्यासोबतच्या नात्यावर भाष्य केलं आहे.

मलायका अरोराला The Namrata Zakaria Show मध्ये मिस्ट्री मॅनबद्दल प्रश्न विचारण्यात आला. यावेळी अभिनेत्री म्हणाली,"मी कुणासोबत बाहेर गेले की लोक लगेच माझं नाव त्या संबंधित व्यक्तीसोबत जोडतात. मग तो माझा जुना मित्र असो, गे मित्र असो, लग्न झालेला मित्र असो, मॅनेजर असो किंवा कुणीही असो. लोकांना फक्त जुळवाजुळवी करता येते. सध्या माझ्या आयुष्यात कोणताही मिस्ट्री मॅन नाही".

मलायकाचं मिस्ट्री मॅनबाबत अद्याप कोणतंही अधिकृत विधान समोर आलेलं नाही. मात्र नेटकऱ्यांकडून अनेक तर्क-वितर्क लावले जात आहेत.

काही मीडिया रिपोर्टनुसार, मलायकासोबत कॉन्सर्टमध्ये दिसलेली व्यक्ती हर्ष मेहता आहे. हर्ष मेहता 33 वर्षांचा असून तो डायमंड व्यवसायाशी संबंधित असण्याचा दावा करण्यात येतो. तर काही रिपोर्ट्समध्ये हा व्यक्ती बिझनेसमन नसून मलायकाचा मॅनेजर असू शकतो, असंही म्हटलं गेलं आहे.

मलायकाने स्पष्ट केलं की आता तिला कोणालाही काही सिद्ध करण्याची गरज नाही. ती फक्त स्वत:च्या आनंदासाठी सगळ्या गोष्टी करते. लोकांनी तिला आनंदी पाहावं, एवढीच तिची इच्छा आहे.

मलायका अरोरा जवळपास सहा वर्षे अर्जुन कपूरसोबत रिलेशनमध्ये होती. दोघेही अनेक इव्हेंट्स, पार्ट्या आणि सुट्ट्यांमध्ये एकत्र दिसायचे. मात्र 2024 मध्ये अचानक त्यांच्या ब्रेकअपच्या बातम्यांनी सर्वांनाच धक्का दिला. या नात्याचा शेवट नेमका कशामुळे झाला, यावर दोघांनीही आजपर्यंत कोणतीही प्रतिक्रिया दिलेली नाही.