मराठी मालिकेची 'भाग्यलक्ष्मी', लग्न करून झाली गायब; आता तिचा नवराच काढतोय तिच्यासाठी पिच्कर

मालिकेतील अभिनेत्री म्हणजे प्रेक्षकांच्या गळ्यातील ताईत असतात. छोट्या पडद्यावरील कलाकारांना प्रेक्षक विसरत नाहीत. अनेक मालिका आणि त्याच्या नायिका आजवर प्रेक्षकांच्या भेटीला आल्या. त्यातील अनेक अभिनेत्रींनी प्रेक्षकांची मनं जिंकली. अशीच एक मराठी अभिनेत्री जिनं तिच्या सालस अभिनयानं प्रेक्षकांच्या मनावर राज्य केलं. 15 वर्षांआधी आलेल्या या मालिकेतून ही अभिनेत्री खूप लोकप्रिय झाली. तिची भूमिका प्रचंड लोकप्रिय झाली. 

मालिका संपल्यानंतर ही अभिनेत्री काही काळ छोट्या पडद्यापासून दूर झाली. तीने फार कमी मालिका केल्या. पण तिची ती एक मालिका कायम प्रेक्षकांच्या लक्षात राहिली. ही अभिनेत्री काही मराठी सिनेमात दिसली. त्यानंतर तिने तिचा मोर्चा हिंदीकडे वळवला. काही हिंदी मालिका आणि सिनेमातही तिने काम केलं. 

काही वर्षात या अभिनेत्रीचं लक्ष झालं. लग्नानंतर ही अभिनेत्री फार काम करताना दिसली नाही. प्रसिद्ध हिंदी मालिकेत तिने शिल्पा शिंदेच्या रिस्पेसमेन्टचं काम केलं. अभिनेत्रीनं लग्न केलं. तिच्या नवऱ्याचं तिच्याशी हे तिसरं लग्न होतं. याआधी त्याचे दोन डिवोर्स झाले होते. 

आपण ज्या अभिनेत्रीबद्दल बोलतोय ती अभिनेत्री म्हणजे नेहा पेंडसे. झी मराठीवरील 'भाग्यलक्ष्मी' या मालिकेतून नेहा पेंडसे घराघरात ओळखली गेली. मालिकेनं तिला प्रेक्षकांचं खूप प्रेम दिलं. पण ही मालिका संपल्यानंतर ती फारशी कुठे दिसली नाही. 

मोठ्या पडद्यापासून सध्या दूर असलेल्या नेहा पेंडसेसाठी तिचा नवराच सिनेमा काढतोय. त्यांच्या सिनेमाचं पहिलं पोस्टर आणि रिलीज डेटही समोर आली आहे.

'तिघी' असं या सिनेमाचं नाव आहे.  हा हृदयस्पर्शी आणि नात्यांच्या उबदार धाग्यांनी विणलेला सिनेमा  महिला दिनी म्हणजेच 6 मार्च 2026 रोजी प्रेक्षकांच्या भेटीला येत आहे.

आई-मुलींच्या नात्यात दडलेल्या न सांगितलेल्या भावना, आठवणी आणि काही अंतर्मुख करणाऱ्या क्षणांवर आधारित ही कथा आहे. महिला दिनाच्या निमित्ताने प्रदर्शित होणाऱ्या या चित्रपटातून स्त्रीमनाच्या प्रवासाची झलक पाहायला मिळणार आहे.

'तिघींच्या जगण्यातलं चौथं पान' उलगडत असताना या तिघींमधलं नातं, त्यांचे आयुष्याकडे पाहाण्याचे दृष्टिकोन आणि बदलत्या काळातली भावनिक चढ-उतार यांचा सुंदर वेध दिग्दर्शिका जीजिविषा काळे यांनी घेतला आहे. ज्येष्ठ अभिनेत्री भारती आचरेकर यांच्यासह नेहा पेंडसे बायस व सोनाली कुलकर्णी या चित्रपटात दिसणार आहेत.

या सिनेमाची निर्मिती नेहा पेंडसेचा नवरा शार्दूल सिंह बायस यानं केली आहे. त्याने सिनेमाविषयी म्हटलंय, "आई-मुलीचे नाते खूप खास असते. आपण नेहमी देत असलेल्या प्रेमाच्या, त्यागाच्या आणि न बोलता केलेल्या काळजीच्या गोष्टी प्रत्येक घरात पाहायला मिळतात.'तिघी' ही त्याच घराची, त्याच नात्यांची गोष्ट आहे. हा चित्रपट प्रत्येकाला स्वतःच्या कुटुंबाशी जोडून ठेवेल, याची मला खात्री आहे."

शार्दूलसह नेहा पेंडसे बायस, निखिल महाजन, सुहृद गोडबोले, स्वप्निल भंगाळे हे देखील सिनेमाचे निर्माते आहेत.