सनी देओलच्या 'बॉर्डर 2'च्या वादळात राणी मुखर्जीच्या 'मर्दानी 3'ची डरकाळी; पहिल्या दिवशी किती कमाई केली?

चाहते राणी मुखर्जीच्या निर्भय पोलीस अधिकारी शिवानी शिवाजी रॉयच्या भूमिकेत परतण्याची आतुरतेने वाट पाहत होते. राणी मुखर्जी 'मर्दानी 3' या चित्रपटातून बऱ्याच काळानंतर मोठ्या पडद्यावर परतली आहे. या चित्रपटाने प्रचंड चर्चा निर्माण केली आहे,  पण बॉक्स ऑफिसवर चित्रपटाची सुरुवात अपेक्षेपेक्षा थोडी कमी होती.

मर्दानी 3 चे देशभरात एकूण 2299 शो सुरू आहेत, ज्यात सरासरी प्रेक्षक उपस्थिती 18.1% आहे. सॅकनिल्कच्या रिपोर्टनुसार, मर्दानी 3 ने शुक्रवारी रिलीजच्या पहिल्या दिवशी 3.8 कोटींची कमाई केली.

राणी मुखर्जीची सशक्त व्यक्तिरेखा असूनही चित्रपटाची सुरुवात मागील भागासारखीच राहिली. 2019 साली प्रदर्शित झालेल्या मर्दानी 2 नेसुद्धा पहिल्या दिवशी 3.80 कोटी रुपयेच जमवले होते. मर्दानी 3 मर्दानी 2 चा रेकॉर्ड मोडू शकली नाही.

दुसरीकडे बॉर्डर 2 या चित्रपटाने बॉक्स ऑफिसवर आपली मजबूत पकड कायम ठेवली आहे. पहिल्या आठवड्यात बॉर्डर 2 ने 224.25 कोटी रुपये कमावले. आठवड्याच्या शेवटी कमाईत घट झाली. आठव्या दिवशी चित्रपटाने 11 कोटी रुपये कमावले, ज्यामुळे त्याची एकूण भारतीय कमाई 235.25 कोटी रुपये झाली.